Муңарлап чылларны пiрiктiрген хоосчы
08.10.2025
Хабарлар
Чарыс айының 10-ҷы кӱнiнде 15.00 часта Л.Р.Кызласовтың адынаң Хакас национальнай чир-суғ ӱгренҷең музейде саблығ хоосчы Александр Доможаковтың пайрамнығ 70 чазына чарыдылған «Мир глазами предков» кӧзiдiг азылар.
Александр Доможаковтың чайаачызы регионның искусствозына улуғ хозым ағылған. Аның тоғыстары пастыра ибiркiнi ӧбекелерiбiстiң кӧрiзiнең кӧрерге, муңарлап ирткен чылларның тынызын тартынарға, посты тоозылбас-парбас Тилекейнiң чардығы полчатханын сизiнерге чарир.
Кӧзiдiгде археоарт оңдайынҷа пазылған 40 хоос сығарылар. Аны кӧрiп, ыраххы тархынзар парыбызарға чарир. Хоосчы Александр Доможаков искусство пастыра эпохалар аразында, чирнiң паза тигiрнiң аразында, кiзiнiң паза Тилекейнiң аразында тахта сал салған.
Кӧзiдiг кiчiг хырлас айының 9-ҷы кӱнiне теере тоғынар. Чииттерге аны Пушкин картазынаң тузаланып кӧрiп аларға чарир.
Автор :
Тамара Савинская
| Пн | Вт | Ср | Чт | Пт | Сб | Вс |
| 27 | 28 | 29 | 30 | 31 | 1 | 2 |
| 3 | 4 | 5 | 6 | 7 | 8 | 9 |
| 10 | 11 | 12 | 13 | 14 | 15 | 16 |
| 17 | 18 | 19 | 20 | 21 | 22 | 23 |
| 24 | 25 | 26 | 27 | 28 | 29 | 30 |
Кӱн таңмазы
Хакасияда
Россияда
Тилекейде
