Кем тiлнi артых пiлче?
26.09.2025
Хабарлар
Марығ. Хакасияда пастағы класстағы ӱгренҷiлер аразында хакас тiлi марии иртер
Марығның ӧӧн пӧгiнi – республиканың iкiнҷi хазна тiлiн хайраллиры, тилiдерi паза аны сӧбiреде сабландырары. Марығ кiчiг хырластың 1 – 11 кӱннерiнде иртер. Анда марығ араласчылары эксперт комиссиязынаң чоох алызарлар. Комиссиядағылар олған пос тiлiн пiл полчатханын, чоохтасчатханын, пос сағызын искiр полчатханын паалирлар.
Анда аралазарға сағынчатхан сӧбiрелерге сурыныс пiчіктерін 1 – 25 чарыста Хакасияның национальнай паза территориальнай политика министерствозынзар ызарға пу адресче: 655017, Хакас Республика, Ағбан г., Щетинкиннiң ор., 18 алай ба minnас@r-19.rғ электроннай адресче (PDF алай ба ӦPG форматча). Сурығларнаң 8(3902)239-002 телефонҷа айланарға чарир.
Мындағ пiчiктер кирек полар:
– сурыныс пiчии;
– паспорттың хобырғаны;
– СНИЛС-тың хобырғаны;
– ИНН-ның хобырғаны;
– олғанның тӧрееннеңер пiчiктiң хобырғаны;
– школадаң пiчiк;
– паланың пабазы паза iҷезi ирепчi полчатханнаңар пічіктің хобырғаны;
– ӱгренҷiнiң опекуны пар полза, аның документiнiң хобырғаны;
– банк реквизиттерi.
Марығда чиңiс тутхан (тутханнарға) 25 муң салковай ахчалығ сыйых читiрiлер, ікінҷі орын (орыннар) ӱчӱн – 23 муң салковай паза ӱзiнҷі орын (орыннар) ӱчӱн – 21 муң салковай.
Хакас тiлi марии Хакасия пазы Валентин Коноваловтың пастаа хоостыра «Хакас тiлiн хайраллиры паза тилiдерi» хазна программазынҷа иртiрiлче.
Сом «Хакас чирі» газета редакциязының архивінең
Автор :
Светлана Астанаева
| Пн | Вт | Ср | Чт | Пт | Сб | Вс |
| 27 | 28 | 29 | 30 | 31 | 1 | 2 |
| 3 | 4 | 5 | 6 | 7 | 8 | 9 |
| 10 | 11 | 12 | 13 | 14 | 15 | 16 |
| 17 | 18 | 19 | 20 | 21 | 22 | 23 |
| 24 | 25 | 26 | 27 | 28 | 29 | 30 |
Кӱн таңмазы
Хакасияда
Россияда
Тилекейде
