Министр проект араласчызынаң тоғасхан
24.09.2025
Хабарлар
Министр Лев Сафьянов «Хакасия матырлары» проекттiң араласчызы Якуб Магомедовнаң
«Хакасия матырлары» проект. Хакасияның национальнай паза территориальнай политика министерствозында «Хакасия матырлары» республика проектінің араласчызы стажировка иртіп пастапча
Хакасияның национальнай паза территориальнай политика министрі Лев Сафьянов «Хакасия матырлары» республика проекті хоостыра ӧнетін чаа операциязының араласчызы Якуб Магомедовнаң тоғазығ иртiрген. Лев Сафьянов министерство тоғызының ӧӧн кӧстеглерiнеңер чоохтаан паза стажировканы иртірер планнаңар искiрген.
Якуб Магомедовха министерствоның тоғызы таныс, 2020 чылда ол республикада «Тағлығ чир-суғ» Дагестандағы чоннарның культуразын паза кибірлерін хайраллир кiн» региондағы халых пірігізін тӧстеп алған. Ол устаан халых пірігізі хазнаның национальнай политиказын чуртасха кирер сферада мероприятиелер иртірерiне ӧткін хозылған. Дагестандағы чоннар пірігізінiң кізілері Хакасия чуртағҷыларын Дагестандағы чоннарның культуразынаң паза кибірлерінең, илбек поэт Расул Гамзатовтың чайаачызынаң таныстырғаннар, экстремизмнең паза терроризмнең тоғыр профилактика мероприятиелерінде араласханнар, саблығ спортсменнернең тоғазығлар, мастер-класстар иртіргеннер, олғаннарға чахсы киректер полызиин пир турғаннар.
2024 чылда пос кӧңнiнең ӧнетін чаа операциязы зоназынзар парыбысхан, анда ол пос кӧңнінең чааласчатхан «Каспий» республика батальонында служба ирткен. Луганск Чон Республиказының «За отвагу» медальынаң, Дагестан Республиканың национальнай политика паза религия киректерінҷе министерствозының «Нациялар аразындағы амыр паза пір чӧптіг чуртасты тыытчатхан ӱчӱн» аарластығ таниинаң сыйыхтатхан.
– Мин хайдағ-да улуғ киректернің чардығы полыбызарыма киртінчем, аннаңар «Хакасия матырлары» программада аралазарға чаратхам. Проекттің пасха араласчыларынаң хада Хакасияны тилідеріне позымның хозымын кирерге тимдебін. Позымның сағыстарымны чуртасха киріп алар паза пасхазын чуртасты чахсы саринзар алыстырып аларына тартар пу чахсы оңдай полар. Ӱгредіг тузында мин наа пілістер, тузалығ оңдайлар паза команданаң тоғынар аарлығ опыт алып алғам. Программадаң наа оңдайлар паза пос алынҷа кізі чіли ӧзіс сағыпчам, – ӱлескен Якуб Магомедов.
«Хакасия матырлары» – республиканың кадрлар проекті, ол СВО араласчылары паза ветераннары санынаң Хакас Республиканың хазна паза муниципальнай устағ cистемазында, iдӧк пасха даа сфераларда тоғынар устағҷылар командазын тӧстирге паза тимнирге тоғындырылған. Ол Россия президенті Владимир Путиннің пастаанҷа позыдылған «Матырлар тузы» федеральнай программа осхас республика проекті полча.
Сом r-19.ru cайттаң
Автор :
Светлана Астанаева
| Пн | Вт | Ср | Чт | Пт | Сб | Вс |
| 27 | 28 | 29 | 30 | 31 | 1 | 2 |
| 3 | 4 | 5 | 6 | 7 | 8 | 9 |
| 10 | 11 | 12 | 13 | 14 | 15 | 16 |
| 17 | 18 | 19 | 20 | 21 | 22 | 23 |
| 24 | 25 | 26 | 27 | 28 | 29 | 30 |
| 31 | 1 | 2 | 3 | 4 | 5 | 6 |
Кӱн таңмазы
Хакасияда
Россияда
Тилекейде
