Республиканың наука-технология тилiзі хайығда
15.08.2025
Хабарлар
Хакасияның ӱгредіг паза наука министрінің пастағы орынҷызы Марина Сагатаева, республиканың экономика тилізі министрі Роман Ковтун, Хакасия пазының орынҷызы Михаил Побызаков
Чыылығ. Пу наада Хакасия пазының орынҷызы Михаил Побызаков регионда наука-технология тилізінҷе ведомстволар аразында палғалыс тударына чарыдылған чыылығ иртірген
Анда республиканың ӱгредіг паза экономика тилізі министерстволарының кізілері араласханнар. Хакасия правительствозы регионның наука-технология тилізі (НТР) хоостыра аймах ведомстволар аразында палғалыс тудар сурығны сыбыра хайығда тутча. Іди Хакасияның наука-технология тилізінҷе ведомстволар аразындағы тоғысчы ӧме тӧстелген.
Пӱӱл Республика кӱні таныхталғанда, тиксі Россия синінде наука-техника конференциязы ирткен. Анда араласчылар пістің регионның чуртас-экономика тилізін наука саринаң паалааннар. Паза аны хоостыра чӧптер пиргеннер. Кӧзідімге, конференция тоозылғанда, «Наука и производство как кооперация организаций науки, высшего образования и индустрии» наука-инновация территориальнай кластерiн регионда тӧстирінеңер чӧп резолюцияа киріл парған.
Хайди таныхтаан Михаил Побызаков, региондағы НТР ӧмезі республиканың наука-технология тилізін хайди апарарын кӧстепче.
Россияның наука министерствозының искіриинең, федеральнай НТР рейтингінде Хакасия 62 орында, 2021 чылнаң тиңнестірзе, ол кӧзідім хай-хай пӧзік.
Пӧгінде – аймах министерстволарның нандырығлығ тоғынҷыларының технология тилізіне чарыдылған чоннар аразындағы форумнарда, Хакасия правительствозындағы наука паза наука-технология тилізінҷе чӧбінiң сессияларында аралазары.
Сом r-19.ru сайттаң
Автор :
Хакасияның ӱгредіг паза наука министерствозының пресс-службазы
| Пн | Вт | Ср | Чт | Пт | Сб | Вс |
| 31 | 1 | 2 | 3 | 4 | 5 | 6 |
| 7 | 8 | 9 | 10 | 11 | 12 | 13 |
| 14 | 15 | 16 | 17 | 18 | 19 | 20 |
| 21 | 22 | 23 | 24 | 25 | 26 | 27 |
| 28 | 29 | 30 | 1 | 2 | 3 | 4 |
Кӱн таңмазы
Хакасияда
Россияда
Тилекейде
