Халыхтар палатазының тузазы улуғ
15.08.2025
Хабарлар
Тоғазығ тузында
Тоғазығ. Хакасия пазы Валентин Коновалов республиканың Халыхтар палатазының кнезі Ольга Левченконаң тоғасхан
Аннаңар Валентин Коновалов телеграм-каналында искірген.
«Халыхтар палатазы, халых чон паза ӱлгӱ органнары аразында палғалыстырчатхан чардых полып, улуғ рольны толдырча, чуртас-экономикадағы иң кирек сурығларны пӧгерге полысча, чуртағҷыларның праволарын паза пос чуртазын арачылирында араласча.
Тоғазығда чуртағҷыларның айланыстары хоостыра тоғыснаң, Халыхтар палатазы министерстволарнаң пірге тоғынарынаң, нацпроекттерні паза федеральнай программаларны чуртасха кирерінең, полар табығларны сыныхтағда тударынаң палғалыстығ паза пасха даа сурығларны ӱзӱргебіс.
Мыннаң мындар пірге тоғынар кӧстеглерні кӧр салғабыс. Регионның правительствозы Халыхтар палатазына прай саринаң хабасча.
Ольга Александровнаа пірге тоғызыбыс тӱзімніг парчатханы, Хакасиядағы ағырсымнығ сурығларға паза сидіксіністерге сиргек хайчатханы ӱчӱн алғызым читіргем», – пас салған Хакасия пазы.
Сом Валентин Коноваловтың телеграм-каналынаң
Автор :
Тимнеен Альберт Толмашов
| Пн | Вт | Ср | Чт | Пт | Сб | Вс |
| 29 | 30 | 1 | 2 | 3 | 4 | 5 |
| 6 | 7 | 8 | 9 | 10 | 11 | 12 |
| 13 | 14 | 15 | 16 | 17 | 18 | 19 |
| 20 | 21 | 22 | 23 | 24 | 25 | 26 |
| 27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде
