Ӱзӱрігде – тиліс сурығлары
06.08.2025
Хабарлар
Аал хонии техниказының кӧзідии
Аал хонии. Хакасиядағы делегация «Сибирьдегi хыра кӱнi-2025» аал хонии форумының тоғызында араласхан
Пӱӱл регионнар аразындағы аал хонии форумы Алтай крайында от айының 30-ҷы кӱнiнең сығара орғах айының 1-ғы кӱнiне теере ирткен.
Араласчылар аразында – Сибирьнiң аал хонии ведомстволарының, килкiм аал хонии холдингтерiнiң, кiчiг пос киреенiң паза наука пiрiгiстерiнiң кiзiлерi. Олар аал хонии отрасльы тилiзi сурығларын ӱзӱргеннер.
Кӧзiдiге аал хониинда киректелчеткен наа техника, ӱреннер, удобрениелер сығарылғаннар. Форумда iдӧк аал хониина теелчеткен иң кирек сурығларға чарыдылған семинарлар, тегiлек столлар иртiрiлгеннер, чӧптер пирiлгеннер.
Хакасияның аал хонии паза ас-тамах министрi Сергей Труфанов делегациянаң устаан. Андар кiргеннер: Хакас Республиканың аал хонии промышленнозы тилiзiнiң искiрiг-консультация кiнiнiң устағҷызы Ирина Тохтобина, Алтай аймааның аал хонии устанызының пастығы Наталья Михайлова, республиканың кресен-фермер хоныхтарының пастары паза аал хонии предприятиелерiнiң устағҷылары.
Сом Хакасияның аал хонии паза ас-тамах министерствозыни
Автор :
Хакасияның аал хонии паза ас-тамах министерствозының пресс-службазы
| Пн | Вт | Ср | Чт | Пт | Сб | Вс |
| 27 | 28 | 29 | 30 | 31 | 1 | 2 |
| 3 | 4 | 5 | 6 | 7 | 8 | 9 |
| 10 | 11 | 12 | 13 | 14 | 15 | 16 |
| 17 | 18 | 19 | 20 | 21 | 22 | 23 |
| 24 | 25 | 26 | 27 | 28 | 29 | 30 |
Кӱн таңмазы
Хакасияда
Россияда
Тилекейде
