Чуртағҷылар хазыхтарын сыныхтанчалар
06.08.2025
Хабарлар
Диспансеризация иртеріне теес
Имнег кирее. Пӱӱнгi кӱнде «Узах паза ӧткiн чуртас» национальнай проект хоостыра Хакасияның аймах-городының полған на хазна поликлиниказында чуртағҷыларға, диспансеризация иртiп, хазыхтарын сыныхтаныбызарға оңдай пирiлче
Иң пастағызын диспансеризация чӱрек-тамырлар ағырығларын, онкологияны, ӧкпе ағыриин паза сахар диабедiн iлезiне сығарарына иртiрілче.
Ирткен неделяда Таштып аймаандағы ӧӧн имнег туразының тоғынҷылары, Чоғархы Таштып паза Арбыт аалларда диспансеризация сыныхтағларын иртiрiп, чорыхха чӧр килгеннер.
– Пiстiң имҷiлер паза медсестралар, анализтер алып, диагностика сыныхтағларын иртiрiбiскеннер. Анализтернiң салтарларынҷа полған на кiзее хазыхтарын хайығда тудар оңдайларынҷа чӧптер пирiлген. Аймахтың ӧӧн имнег туразынаң оортах чуртапчатхан аалларның чуртағҷыларының хазыхтарын хайығда тудары пiстiң тоғыстың ӧӧнi полча, – таныхтааннар Таштып аймаандағы ӧӧн имнег туразында.
Хакасияның хазых хайраллаҷаң министерствозының сайтында «Позыңның хазииңны сыныхтабыс – диспансеризация иртiбiс» баннер пар. Анда диспансеризация иртiрчеткен прай имнег организациялары, оларның адрестерi паза пазын cалҷаң телефон номерлерi пирілче. Iдӧк республиканың чуртағҷыларына диспансеризацияның киректелчеткенiнеңер чарыда искiрiг тимнел парған.
Сом Хакасияның хазых хайраллаҷаң министерствозының пресс-службазыни
Автор :
Хакасияның хазых хайраллаҷаң министерствозының пресс-службазы
| Пн | Вт | Ср | Чт | Пт | Сб | Вс |
| 27 | 28 | 29 | 30 | 31 | 1 | 2 |
| 3 | 4 | 5 | 6 | 7 | 8 | 9 |
| 10 | 11 | 12 | 13 | 14 | 15 | 16 |
| 17 | 18 | 19 | 20 | 21 | 22 | 23 |
| 24 | 25 | 26 | 27 | 28 | 29 | 30 |
Кӱн таңмазы
Хакасияда
Россияда
Тилекейде
