Чайаачы узыңарны кӧзідіңер
01.08.2025
Хабарлар
Марығ. Хакасияның ӱгренҷілеріне тиксі Россия паза республика синіндегі марығларда устарын сынап кӧрерге оңдай пирілче
Россияның хазна олған библиотеказы 10 – 16 частығ саарбахтарны «Россияның танығлары. Илбек Ада чаа: Чиңіссер чол» тиксі Россия мариинда аралазарға хығырча. Анда араласчылар частары хоостыра ікі аймах пӧлікте устарын кӧзідерлер: 10 – 12 частығлар паза 13 – 16 частығлар.
Марығның араласчылары Илбек Ада чааның танығлығ кӱннерінеңер паза анда араласхан саблығ матырлардаңар сурығлар тимнеп саларлар. Ол сурығларның иң чахсылары тиксі Россия олимпиадаларына кирiл парарлар. Хайзылары пӱӱл чарыс паза кічіг хырлас айларда иртiрілерлер.
Олғаннарның тоғыстары 2025 чылның 30 ӱртӱніне теере алылчалар. Марыға теелчеткен хоза сурығлар пар полза, республиканың олған библиотеказының сайтынзар айланарға чарир: https://страна-читалия.рф/itеm/2267852.
Республиканың олған библиотеказы книга хығырарға хынчатхан ӱгренҷілер аразында «Хығырғабыс! Хығырчабыс! Паза хығырарбыс!» марығ иртірче. Анда аралазып, олғаннарға аймах ниме-ноодаң произведениелердегі хынған матырның омазы хоостыра кӧклӧ чайап саларға оңдай пирілче. Кӧклӧнің узуны 40 сантиметрдең аспасха кирек. Постың тоғызын пирчетсе, тоғыс хайди чайалғаннаңар хысхаҷахти чоох пас пирерге кирек полар.
Марығда ӱгренҷілер частары хоостыра ікі пасха пӧлікте устарынаң сыназарлар: 7 – 10 частығлар паза 11 – 14 частығлар. Олғаннарның чайаачы тоғыстары 15 ӱртӱнге теере алылчалар. Чиңісчілернің аттары чарыс айында искірілер. Иң чахсы тоғыстар «Кӧклӧ хайхазы» кӧзідігде аралазарлар.
Автор :
Наталья Куюкова
| Пн | Вт | Ср | Чт | Пт | Сб | Вс |
| 31 | 1 | 2 | 3 | 4 | 5 | 6 |
| 7 | 8 | 9 | 10 | 11 | 12 | 13 |
| 14 | 15 | 16 | 17 | 18 | 19 | 20 |
| 21 | 22 | 23 | 24 | 25 | 26 | 27 |
| 28 | 29 | 30 | 1 | 2 | 3 | 4 |
Кӱн таңмазы
Хакасияда
Россияда
Тилекейде
