Ынағ ирепчi 50 чыл хада
25.07.2025
Хабарлар
Киргинековтарның сӧбірезі
Пайрам. Вячеслав Степанович паза Руслана Николаевна Киргинековтарны 50 чыл хада чуртап салғанынаң алғыстааннар. Ирепчi «алтын» тойны Асхыстағы ЗАГС-та таныхтаан
Вячеслав Степанович паза Руслана Николаевна школада ӱгренгеннерiнде ынағласчаңнар. Оларны узун чол даа, тус таа чар полбаан. Вячеслав Степанович армияа хабылғанда, аны хынғаны хайди даа сағып аларынаңар пiлген. Руслана Николаевна кӧӧленген оолғын олаңай ла сағыбаан, че iдӧк муңарлап километр оортах орныхчатхан Хырғыс чирiнзер ааллап пар килген. Армия соонаң хынысчатхан чииттер хоных хонғаннар.
Пӱӱнгi кӱнде ирепчi Асхыс аймаандағы Паза Пиизi аалда чуртапча. Сӧбiре пазы ибде хайынча, хада хонғанын кӧрче, аны аар тоғыс иттiрбинче.
Киргинековтарның улуғ паза ынағ сӧбiре: читi пала (пис хыс паза iкi оол), 20 парха паза iкi кӧргенек. Алнында – оолларының тойлары. Аннаңар сӧбiре уламох ӧс парар. Ирепчi анзына уғаа ӧрiнче.
«Алтын» той кӱнiнде Вячеслав Степановичтi паза Руслана Николаевнаны чылығ сӧстернең алғыстааннар: пик хазых, часка паза ӧңненiс алғааннар. Туған-чағыннары пу пайрамнығ кӱннi таныхтирға паза ӧрiнiснең ӱлезерге килгеннер. Паза аал чӧбiнiң пазы Светлана Майнагашева ирепчiнi алғыстаан. Паза Пиизiнiң чуртағҷылары Киргинеков ирепчiнi пик хоныхтығ, хынысчатхан паза пик сӧбiре чiли таныпчалар.
Вячеслав Степанович паза Руслана Николаевна кибiр хоостыра хоныхтың пайрамынаңар «Аарластығ юбилярлар» книгада хол салыбысханнар. ЗАГС-тың специалисттерi ирепчiнi, прай чӱрекнең алғыстап, сӧбiре пайрамының 55 паза 60 чылын олох залда таныхтирға хығырғаннар.
Сом Хакасияның юстиция паза регионны хорғыс чох идер киректерҷе министерствозының пресс-службазыни
Автор :
Виктория Айснер
| Пн | Вт | Ср | Чт | Пт | Сб | Вс |
| 27 | 28 | 29 | 30 | 31 | 1 | 2 |
| 3 | 4 | 5 | 6 | 7 | 8 | 9 |
| 10 | 11 | 12 | 13 | 14 | 15 | 16 |
| 17 | 18 | 19 | 20 | 21 | 22 | 23 |
| 24 | 25 | 26 | 27 | 28 | 29 | 30 |
| 31 | 1 | 2 | 3 | 4 | 5 | 6 |
Кӱн таңмазы
Хакасияда
Россияда
Тилекейде
