Пазох матап «ағырарбыс»
18.07.2025
Хабарлар
Тоғазығ тузында
Ӧрiнiстiг хабар. Ағбандағы «Саяны» команда меспектiг хоккейҷе Россия чемпионадының cуперлигазында ойнирдаңар Хакасия пазы Валентин Коновалов пу наада чарлабысты
Мындағ ӧрiнiстiг искiрiгнi Валентин Олегович, «Саяны» команданың устағ-пастаанаң паза хоккеисттернең ӱлгӱ туразында тоғасханда, чарлаан.
– Хакасияның правительствозы прай кӱзiн салған «Саяны» клубты хайраллап халарына паза кӧрiгҷiлернi мыннаң мындар ӧрiндiр турарына. Пiс спонсорны таап алғабыс, аннаң чӧптезiгде хол салыбысхабыс. Амды пiстiң командаа позының пӧзiк узын кӧзiтчең оңдай полар, – таныхтаан Хакасия пазы тоғазығ тузында.
Республикадағы меспектiг хоккейнiң федерация президентi Юрий Шпигальских Хакасия пазын мындағ полызығ ӱчӱн чылығ алғыстаан, читкен чидiгде тохтабин турарға кирек теен. Юрий Александровичтiң сӧстерiнең, «Саяны» командада ойнап пастаан хоккеисттер меспектiг хоккейҷе Россияның чемпионадындағы cуперлиганың аймах командаларында чахсы ойнапчатханнарын таныхтаан. Кӧзiдiмге А.Джусоевтi, С.Чупиннi, И.Лопатиннi, К.Бутенконы паза даа пасхазын ағылған.
«Саяны» спорт школазының директоры Александр Колесников, команданың ӧӧн хоккеисттерiн пiр неделя аразына прай чыып алып, тренировкалар иртiрiп пастирбыс тiп iзендiрген. Меспектiг хоккейнiң наа сезонына чахсы тимненерге кирек полчатханын таныхтаан.
Республикадағы меспектiг хоккей прайзының хайиин тартчатхан спорт кӧрiмiнiң пiрсi полча. Сағамғы туста спорттың пу кӧрiмiнең ӱс муң артиинаң оолағас айғасча. Оларға «Саяны» паза «Саяны-2» командаларның пiреезiнзер кiрiп алары ӧӧн пӧгiн полча.
«Саяны» клуб суперлигаа кiрчеткен 14 команданың пiрсi полча. Хакасияның правительствозы, спонсор таап, ӧӧн марығларға тимненiп алар оңдай пирдi.
Сом r-19.ru сайттаң
Автор :
Хакасия пазының – Хакасия правительствозының пресс-службазы
| Пн | Вт | Ср | Чт | Пт | Сб | Вс |
| 29 | 30 | 1 | 2 | 3 | 4 | 5 |
| 6 | 7 | 8 | 9 | 10 | 11 | 12 |
| 13 | 14 | 15 | 16 | 17 | 18 | 19 |
| 20 | 21 | 22 | 23 | 24 | 25 | 26 |
| 27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде
