Тоғыс чорығы. Хакасия пазы Валентин Коновалов Россияның Федерация Чӧбiнiң кнезi Валентина Матвиенконаң тоғасхан.

Хайди искiрген Хакасия пазы Валентин Коновалов телеграм-каналында, от айының 7-ҷi кӱнiнде ол, тоғыс чорығынаң Москвада полып, Россияның Федерация Чӧбiнiң кнезi Валентина Ивановна Матвиенконаң тоғазып алған.

«Тоғазығда пiс республиканың экономика тилiзi, хазых хайраллиры, культура паза бюджет сурығларын ӱзӱрiбicкебiс. Боградтағы наа имнег туразының пӱдiрии хайди парчатханынаңар алынҷа сан пирiс иткем. Ол Валентина Ивановнаның хабазиинаң пӱдiрiлче. Ӱр сахталған проект аймахтағы имнег полызиин саңай наа синге сығарыбызар.

Валентина Ивановна регионнарның кирексiнiстерiне хаҷан даа алынҷа хайығ салча. Республикадағы киректеңер кӧнi искiр пирерге оңдай пиргенi, Хакасияа ситкiп хайчатханы, социальнай кирексiнiстiг сурығларны пӧгерге полысчатханы паза пiстiң регионның пастағларына хабасчатханы ӱчӱн ағаа улуғ алғызым читiрчем.

Iзенчем, Федерация Чӧбiнең пiрге тоғыс апарғаныбыс мыннаң мындар даа пiстiң республиканы ӧңнендiрерiне хабазар», – пас салған Хакасия пазы Валентин Коновалов телеграм-каналында.

Сомда Валентина Матвиенко паза Валентин Коновалов

Cом Валентин Коноваловтың телеграм-каналынаң