Хакасия паза Кемеров облазы палғалыстарны тыытчалар
11.06.2025
Хабарлар
Пӱӱн Кемеровта МАСС ("Сибирьдегі чӧптезіг" регионнар аразындағы ассоциация) чыылии иртче, аның тоғызында ідӧк Россия президентінің Сибирьдегі федеральнай округтағы полномочиеліг кізізі А.А. Серышев араласча.
Хакасия пазы Валентин Коноваловтың искіриинең, республика правительствозы паза Кузбасстың устағ-пастаа хада-пірге тоғынардаңар чӧптезігҷе тоғыс планын чарат салған.
- Киртінчем, пу пічікте хол салғаны пістің регионнарның садығ-экономикадағы, наука-техникадағы паза культурадағы хада-пірге тоғызыбысты тыыдарға, пірге инвестиция проекттерін чуртасха кирерге полызар, - пасча Валентин Коновалов социальнай сетьтердегі страницазында. - Чыылығда ідӧк Сибирьдегі федеральнай округтың тиліс сурығларын, "Улуғ Сибирь. Чиңіске хозым" порталның тоғызын, 2027 чылда Сибирь чоннарының І хысхы спартакиадазын иртірерін паза пасха сурығларны ӱзӱргебіс.
Сом Хакасия пазының телеграм-каналынаң
Автор :
Тимнеен Наталья Сюптерекова
| Пн | Вт | Ср | Чт | Пт | Сб | Вс |
| 30 | 1 | 2 | 3 | 4 | 5 | 6 |
| 7 | 8 | 9 | 10 | 11 | 12 | 13 |
| 14 | 15 | 16 | 17 | 18 | 19 | 20 |
| 21 | 22 | 23 | 24 | 25 | 26 | 27 |
| 28 | 29 | 30 | 31 | 1 | 2 | 3 |
Кӱн таңмазы
Хакасияда
Россияда
Тилекейде
