Моол чирінең медальлығ
04.06.2025
Хабарлар
Улан-Баторда 29 сілкердең 1 хандыхха теере чоннар аразындағы турнир ирткен.
Арға-мӧрійде чир-суғҷыларыбыс Наталья Пудова (50 кг) паза Наталья Малышева (53 кг) кӱстерін сынааннар.
Пудова соон сӱрістіре ӱс «ыырҷызын» чиңіп алған. Пастағы тоғазығ 6:5 саннаң тоозылған, ікінҷізі – 12:1 саннаң. Азах меетте Наташа Мунхнар Бьямбасуреннең (Монголия) тоғасхан. Сан – 4:2, хакас хыстың алтын медаль. Чир-суғҷыбыстың тренерлері – Виталий Канзычаков паза Марат Кичеев.
Наталья Малышева ідӧк ӱс тоғазығ иртiрібіскен. Че финалда Наташа Антим Антимге (Индия) 0:10 саннаң утыр салған. Ол ікінҷі орынға сыххан. Малышева Леонид паза Владимир Чучуновтарның устаанынаң харбасча.
Сом интернеттең
Автор :
Валерия Тамбовцева
| Пн | Вт | Ср | Чт | Пт | Сб | Вс |
| 26 | 27 | 28 | 29 | 30 | 31 | 1 |
| 2 | 3 | 4 | 5 | 6 | 7 | 8 |
| 9 | 10 | 11 | 12 | 13 | 14 | 15 |
| 16 | 17 | 18 | 19 | 20 | 21 | 22 |
| 23 | 24 | 25 | 26 | 27 | 28 | 29 |
| 30 | 1 | 2 | 3 | 4 | 5 | 6 |
Кӱн таңмазы
Хакасияда
Россияда
Тилекейде
