Чиңіс кӱнінең, аарлығ чир-суғҷыларыбыс!
09.05.2025
Хабарлар
9 сілкерде – Чиңіс кӱні!
Хакас Республиканың аарлығ ветераннары, тыл істенҷілері паза чуртағҷылары!
Пӱӱн пістің хазна піcке прайзыбысха уғаа аарлығ полчатхан ӱлӱкӱнні таныхтапча – совет чонының Илбек Ада чаадағы Чиңіс кӱнін!
80 чыл мының алнында пістің ағаларыбыс прай тилекейге киречілееннер – піcтің чонны пазындыр полбассың. Матыр, чиңіске чидер кӱстеніс, махачы паза кӱлӱк – піcтің ханыбыста. Піске сидіксіністер паза чідіріглер хорғыстығ нимес. Олар хазнабысты тыыт салғаннар паза кӱстіг ит салғаннар.
9 сілкер кӱні эпоха тании, Россия хазназының ӧзені пол парған. Россия илбек хазна полар анҷа, нинҷе піс ӧбекелерібістің махачы киреен сағыста тударбыс паза аарлирбыс.
Аннаңар піс Илбек Ада чаада чиңісті таптаан кізілерге улуғ аарласнаң алғызыбысты читірчебіс паза чирге теере пазырчабыс. Прайзыңарға пас ӱстӱндегі амыр тигір, хазых, пір чӧптіг паза чахсы чуртас алғапчабыс. Ӱлӱкӱннең! Илбек Чиңіс кӱнінең!
В.О.Коновалов, Хакасияның пазы –Хакасияның Правительство кнезі
С.М.Сокол, Хакасияның Ӧӧркі Чӧп кнезі
Аарлығ ветераннар! Аарлығ чир-суғҷылар!
Илбек ӱлӱкӱннең, Чиңic кӱнінең, алғыстас сӧстерiн прайзына читірчем!
9 сілкер Россия чонының прай тӧллеріне иң аарлығ кӱн полча, ол чоныбыстың хада-пірге тудынызын паза матырын таныхтапча. Ол прай чонның ӱлӱкӱні полча, анда полған на сӧбіренің, полған на кiзiнің тархынының хайдағ-да кизегі пар.
80 чыл иртіп парды, ол кӱннер ырахтаң ырах халып одырчатханда, Илбек Чиңiс пістің чуртазыбыста хайдағ кӱн полчатханын пiлерге кирекпіс. Пістің чӱреебісте чонның Илбек матырынаңар сағыс парда, Чир-суубыс кӱстіг паза чиңдірбес полып халча.
Ам пазох хазнабысты арачылирға Чиңic Знамязы алтынзар Россияның айдас ооллары турыбыстылар, сын патриоттар, ӧбекелерібістің турыстығ тӧлі. Оларға паба-ағаларыбыстың Чиңiстерін узарадарға, патриотизмін тыыдарға, пазын кӧдірчеткен фашизмге хатығ тоғырланарға, амыр, чахсы чуртас ӱчӱн кӱрезерге алғапчабыс. Пілчебіс, «Пістің киреебіс сын! Чиңic пісти полар!»
Пу пайрамнығ кӱнде прайзына амыр тигір, пик хазых, чахсы чуртас паза часка алғапчам! 1945 чылдағы 9 сілкер ундулбаанда, пістің хазна, илбек Россия, хаҷан даа чуртир паза ӧңненер! Чиңic кӱнінең!
О.И.Пагельс,
Россияның Тирігліг кӱстерiнің ветераннары пірігізінің
региондағы пӧлиинің кнезі,
запастағы подполковник
Коллаж Дмитрий Сунчугашевти
Автор :
| Пн | Вт | Ср | Чт | Пт | Сб | Вс |
| 28 | 29 | 30 | 1 | 2 | 3 | 4 |
| 5 | 6 | 7 | 8 | 9 | 10 | 11 |
| 12 | 13 | 14 | 15 | 16 | 17 | 18 |
| 19 | 20 | 21 | 22 | 23 | 24 | 25 |
| 26 | 27 | 28 | 29 | 30 | 31 | 1 |
Кӱн таңмазы
Хакасияда
Россияда
Тилекейде
