Таарығ тузы – улуғ хайығда
25.04.2025
Хабарлар
Аал хонии. Сибирьнiң часхы хыра тоғыстары тимненiзiне чарыдылған чыылығ ирткен
Аны Сибирьдегi федеральнай округта Россия президентiнiң полномочиелiг кiзiзi Анатолий Серышев иртiрген. Аның таниинаң, Сибирьнiң аал хонии секторы таарығ тоғыстарына тимде. Киректелчеткен ӱреннер 105 % тимде, техника – 94 %, ГСМ – 98 %, удобрениелер – 77 %.
Анатолий Серышев чыылығ араласчыларына Россия президентi турғыс салған iкi ӧӧн пӧгiнге хайығ саларға чахығ пирген: 2030 чылға аал хонии ниме-ноозын 25% паза аның экспортын 1,5 хати ӧскiрiбiзерге, 2021 чылдағызынаң тиңнестiрзе.
– Пу пӧгiннернi маңнаныстығ толдырары пiстiң хазнаа ас-тамах читкiҷе полар, экономиканы тилiдер, ынархастығ хазналарнаң палғалысты тыыдар оңдайлар тӧстепче, – теен Анатолий Серышев.
Чыылығда адалған саннар хоостыра Сибирьде чыл сай 16 миллионҷа тонна тоңастығлар ӧскiрiлче. Президент турғысхан чахығны толдырыбызар ӱчӱн, чыл сай тоңастығларны 5 % кӧп чыырға киректелче. Анатолий Серышевтiң таниинаң, пу пӧгiннi толдырыбызар ӱчӱн, прай саринаң чахсы тоғынарға кирек.
Сом sfo.gov.ru сайттаң
Автор :
Тимнеен Оксана Челтыгмашева
| Пн | Вт | Ср | Чт | Пт | Сб | Вс |
| 28 | 29 | 30 | 1 | 2 | 3 | 4 |
| 5 | 6 | 7 | 8 | 9 | 10 | 11 |
| 12 | 13 | 14 | 15 | 16 | 17 | 18 |
| 19 | 20 | 21 | 22 | 23 | 24 | 25 |
| 26 | 27 | 28 | 29 | 30 | 31 | 1 |
Кӱн таңмазы
Хакасияда
Россияда
Тилекейде
