Пётр Воронин: «Уғаа кирек паза пістің субъекттерге чағын сурығларны ӱзӱргебіс»
25.04.2025
Хабарлар
Дагестанның Чон Чыылии кнезi Заур Аскендеров, Хакасияның Ӧӧркi Чӧп кнезiнiң пастағы орынҷызы Пётр Воронин, Дагестан пазы Сергей Меликов, Россия президентi администрациязының устағҷы орынҷызы Магомедсалам Магомедов
Ӧӧркі Чӧп. Хакасияның Ӧӧркі Чӧп кнезінің пастағы орынҷызы Пётр Воронин Дагестанның парламентін 30 чылынаң алғыстаан
Танығлығ кӱнге чарыдылған пайрамнығ мероприятиелер Махачкалада ирткеннер. Ӱлӱкӱннің ӧӧн кӧcтеглерінің пірсі Дагестанның Чон Чыылииның парламенттер аразындағы партнерствоны тилідерінде тоғызын тыыдары полған. Республика прай хазнаның закон сығарҷаң ӱлгӱлерінең пірге тоғынча. Аннаңар пайрамға федеральнай ӱлгӱдегілер, чоннар аразындағы делегациялар, хазна паза халыхтар деятельлері ле килбеен, ідӧк Россия субъекттерінің, хайзыларынаң Дагестан пірге тоғынардаңар чӧптезіг ит салған, делегаттары килгеннер. Оларның санында – Хакасия.
Аны хоостыра прай ӱлӱкӱн программазы пӱткен. Кибірліг пайрамнығ мероприятиелердең пасха, андар наа чӧптезіглерде хол салары кирілген – Донецк Чон Республиказының Чон Чӧбінең паза Херсон облазы Думазынаң. Ідӧк «Межпарламентское сотрудничество: фактор развития и совершенствования законодательства, укрепление межрегиональных и международных связей» конференцияны иртірері.
Пётр Воронин: «Піс уғаа кирек паза пістің субъекттерге чағын сурығларны ӱзӱргебіс. Ол аал хониин тилідері, регионнарның «Аалларның тиксі тилізі» программада араласхан тоғызының салтарлары. Паза социальнай программалар. Кӧзідімге, кӧп палалығ сӧбірелерге хабазығ. Дагестанда ол законнар сығарҷаң тоғыстың ӧӧн социальнай кӧстеглерінің пірсі полча. Анда прай даа сӧбірелер – кӧп палалығлар!»
Чон Чыылииның кнезі Заур Аскендеров парламенттернің пірге тоғызы регионнарны ізестіг тилідеріне кирек полчатханын таныхтаан.
Регионны парламентке 30 чыл толчатханынаң хазнаның ӧӧркі пастыхтары, регионнарның пастары алғыстааннар. Пётр Воронин ӱлӱкӱнге чарыдылған мероприятиеде Хакасияның Ӧӧркі Чӧп кнезі Сергей Соколның адынаң алғыстас сӧстерін читірген: «30 чыллығ пайрам – піcтің палғалыстарны тыыдарына чахсы сылтағ. Хакасия толдыра нимес тӧрт чыл пірге тоғыстың тузына ла Дагестанның 15 закон проектіне хабасхан. Піс коллегаларыбыстың пастағларын аларға паза ӱзӱрерге, позыбыстың опыдыбысты алғыдарға паза тоғыстарыбыснаң ӱлезерге тимдебіс. Сірерге тиліс паза ӧңненіс алғапчам!»
Пайрамнығ мероприятиелерні тиксі алза, олар чылығ паза тӱзімніг ирт парғаннар. Пётр Воронин таныхтаан, Дагестан пӱӱнгі кӱндегі хайзы сурығларны пӧгерінҷе алнында парча. Ол регионнарның пастағы парламенті, хайзы пос пӱдізінзер алызығлар кирібіскен. Чон Чыылиинда мобилизация тоғызынҷа паза СВО араласчыларына полызарынҷа комитет тоғынча. Парламенттің ідӧк кӧп нациялығ республикада тоғынар опыды пар: Дагестанда аймах нациялығ 120 чон чуртапча. Пу кӧстегҷе опытнаң ӱлескені Хакасияа ідӧк тузалығ полар.
Сом Дагестан Республиканың Чон Чыылии пресс-службазыни
Автор :
Хакасияның Ӧӧркі Чӧбінің хабарлар пӧлии
| Пн | Вт | Ср | Чт | Пт | Сб | Вс |
| 27 | 28 | 29 | 30 | 31 | 1 | 2 |
| 3 | 4 | 5 | 6 | 7 | 8 | 9 |
| 10 | 11 | 12 | 13 | 14 | 15 | 16 |
| 17 | 18 | 19 | 20 | 21 | 22 | 23 |
| 24 | 25 | 26 | 27 | 28 | 29 | 30 |
| 31 | 1 | 2 | 3 | 4 | 5 | 6 |
Кӱн таңмазы
Хакасияда
Россияда
Тилекейде
