«Хакасия матырлары»
04.04.2025
Хабарлар
Проект. Республика правительствозы «Хакасия матырлары» устағ кадрларын тимнирінҷе программаның тоғызын 14 хосхарға теере узарадардаңар чарадығ алған
Пу проект республикада пӱӱл 28 азығда тоғынып пастаан. Аның кӧcтее – СВО араласчылары паза ветераннары санынаң хазна паза муниципальнай устағ системазына, ідӧк регионны тилідеріне кирек пасха даа сфераларға чахсы устағҷылар командазын тимнирі.
Претенденттерге кирексіністер нымзах – пӧзік ӱгредіг, устағ тоғызында опыды, чарғылатханы чох полғаны.
Проектке кіріп аларына санға алыл парарға кирек, анкетаны толдырыбызарға, киректелчеткен пічіктерні хаптырыбызарға паза постаңар эссе пас саларға. Санға алылған кандидаттарға онлайн-тест 2025 чылның 17 – 20 хосхарында иртер, аның соонаң араласчыларны очнай чоохтазығ паза Хакасия правительствозындағы Халыхтар чӧбінің чарадии сағыпча.
СВО иртчеткен орында полчатхан чааҷыларға санға алыларын нииктелген оңдайнаң иртері кӧріл парған.
Ӱгредіг пасталары – 2025 чылның ӱртӱн айының 1-ғы кӱні.
Хоза чоохтирға кирек, марығ талластыриин иртібіскен кізінің пос кӧстегҷізі полар, регионның опыттығ устағҷылары санынаң. Олар прай чардыхтарда полыс турарлар: ӱгредігде, стажировкада паза тоғысха кірерінде.
Хоза искіріглерні «Ада чир-суубыс арачылағҷылары» чыынды филиалында (Ағбан г., Ленин пр., 56), Хакас Республиканың информатизация паза наа технологиялар кінінде (Ағбан г., Щетинкин ор., 18) алып аларға чарир алай хабазығ службазы телефонынҷа: 8(3902)299-990.
Санға алылҷаң ссылка: https://project.rsv.ru/geroi_hakasii.
Автор :
Хакасия пазының паза Хакасия правительствозының пресс-службазы
| Пн | Вт | Ср | Чт | Пт | Сб | Вс |
| 31 | 1 | 2 | 3 | 4 | 5 | 6 |
| 7 | 8 | 9 | 10 | 11 | 12 | 13 |
| 14 | 15 | 16 | 17 | 18 | 19 | 20 |
| 21 | 22 | 23 | 24 | 25 | 26 | 27 |
| 28 | 29 | 30 | 1 | 2 | 3 | 4 |
Кӱн таңмазы
Хакасияда
Россияда
Тилекейде
