Тилекей искусствозынаң танызар ӱчӱн
03.04.2025
Хабарлар
Чыылығ. Россия президентінің Сибирьдегі федеральнай округтағы полномочиеліг кізізі Анатолий Серышевтің пастаа хоостыра Сибирьдегі музейлерде импрессионистер кӧзідіглерін иртірері ӱзӱрілген
Пу сурығҷа чыылығ Россияның культура министрінің пастағы орынҷызы Сергей Обрывалиннің, полпред орынҷызы Олег Денисенконың паза «А.С.Пушкиннің адынаң хоос искусстволарының хазна музейі» ФГБУК директоры Ольга Галактионованың устаанынаң ирткен. Араласчылар аразында – округтағы субъекттернің регион ӱлгӱлерінің профильҷе устағҷылары, Сибирьдегі музейлернің директорлары.
2026 чылда Сибирьдегі регионнарның чуртағҷыларына паза аалҷыларына Пушкинскай музей чыындызындағы саблығ импрессионистернің хоостарынаң танызып алар оңдай азылар тіп кӧрілче. Сибирьдегiлер 30-ха чағын сын тоғысты кӧріп аларлар, ол санда саблығ устарның прай тилекейге таныс хоостарын.
Экспозиция Омскта азылар тіп кӧрілче, хайзы 2026 чылда «Россияның культура столицазы» ат ал чӧрер. Анаң хоостар Новосибирск, Кемеров, Ағбан, Хызылчар паза Иркутск городтарның музейлерінде ікілер ай кӧзідіге сығарылар.
Олег Денисенко Россия президентінің Сибирьдегі федеральнай округтағы полномочиеліг кізізі аппарадының пастаа хоостыра танығлығ кӧзідіг проекттерін тимнирі чахсы кибірге айланчатханын таныхтаан. «Сибирьдегi чуртағҷыларға тилекей искусствозы шедеврлерінең ибде танысчаң оңдай пирері уғаа кирек», – теен ол.
Автор :
Россия президентінің Сибирьдегі федеральнай округтағы полномочиеліг кізізінің официальнай сайты
| Пн | Вт | Ср | Чт | Пт | Сб | Вс |
| 29 | 30 | 1 | 2 | 3 | 4 | 5 |
| 6 | 7 | 8 | 9 | 10 | 11 | 12 |
| 13 | 14 | 15 | 16 | 17 | 18 | 19 |
| 20 | 21 | 22 | 23 | 24 | 25 | 26 |
| 27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде
