Правительство сыйыхтарына турысханнар
27.03.2025
Хабарлар
Сыйыхтаттырған культура тоғынҷылары
Культура. Хакасияның правительствозында культура тоғынҷыларын чеестееннер
Пістің хазнада 25 кӧрікте Культура тоғынҷыларының кӱні таныхталча. Хакасияда пу сферада ӱс муң чарым кізі істенче: музыканттар, артисттер, теелбекчілер, чайаачы ӧмелер, музейлер тоғынҷылары, хоосчылар, писательлер паза пасхазы. Олар республикаа улуғ туза ағылчалар, тӧреен чирібісті ырахха сабландырчалар. Хакасия правительствозында иң артыхтарын вторникте чеестееннер. Оларны профессиональнай ӱлӱкӱннең Хакасия пазының пастағы орынҷызы Татьяна Курбатова алғыстаан. Татьяна Анатольевна, чоох тудып, теен:
– Прай чӱреемнең сірерні чалахай ӱлӱкӱннең алғыстапчам. Сірер улуғ тоғыс итчезер. Кізілерге ӧрініс сыйлапчазар, чобағлығ тустарда оларның чӱреен часхарчазар. Алғыс сірерге тӱзiмніг тоғызыңар ӱчӱн.
Чылығ сӧстер сыйыхтаснаң узарадылған. «Хакасия культуразының саблығ тоғынҷызы» аарластығ атха турысханнар Шира аймаандағы Культура туразының методизі Вера Арыштаева, С.П.Кадышевтің адынаң чон чайаачызының национальнай кінiнің чарытхыҷа хоосчызы Юрий Дивеев паза Абазаның библиотека системазының директоры Юлия Затула. Пис кізее Хакасияның Аарластығ пічии читірілген. Таныхтатханнар Саяногорсктағы «Энергетик» культура туразының декоративно-прикладной студиязының устағҷызы Юлия Бельская, Пиидегі олған искусство школазының директоры Людмила Кирьян, Ширадағы олған музыка школазының ӱгретчізі Ольга Миронович, Сондағы Культура туразының директоры Татьяна Храбрых паза Пиидегі олған искусство школазының ӱгретчізі Наталья Шлокина.
Алғыстас пічиинең сыйыхтатханнар Пии аймаа устағ-пастааның культураҷа, чииттер киреенҷе, спортча паза туризмҷе устанызының ӧӧн специализі Елена Бражникова, Саяногорсктағы библиотека системазының директоры Марина Головина, Пии аймааның Культура туразының хоосчы-декораторы Надежда Голубева, Орджоникидзе аймааның Культура туразының тоғынҷызы Виктор Зенчурин, Харатастағы 1 № олған музыка школазының ӱгретчізі Виктория Мацкевич, Саяногорсктағы «Колорит» олған хоос школазының ӱгретчізі Светлана Миронова, Ширадағы олған музыка школазының ӱгретчізі Оксана Полухина, симфоническай оркестрнің артизі Андрей Тришкин.
Культура сферазында аллығ чӱректіг, тыс пілбес улус істенче. Халых тоғызында оларның хозымы улуғ. Таштып аймааның Культура туразының директоры Иван Шулбаев паза С.П.Кадышевтің адынаң чон чайаачызының национальнай кінiнің Шрамконың адынаң орыс хорының хормейстері Виктор Ковалёв ӧнетін чаа операциязының араласчыларына паза Донецк, Луганск Чон республикалары, Запорожскай область чуртағҷыларына кӧрілген чайаачы проекттерні чуртасха кирчелер. Оларға пайрамнығ мероприятие тузында ідӧк алғыстас пічиин читіргеннер.
Сом Хакасияның культура министерствозының сайтынаң
Автор :
Аскар Артамонов
| Пн | Вт | Ср | Чт | Пт | Сб | Вс |
| 29 | 30 | 1 | 2 | 3 | 4 | 5 |
| 6 | 7 | 8 | 9 | 10 | 11 | 12 |
| 13 | 14 | 15 | 16 | 17 | 18 | 19 |
| 20 | 21 | 22 | 23 | 24 | 25 | 26 |
| 27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде
