«Чыл пазы. Чиңіске чол»
19.03.2025
Хабарлар
Чыл пазы ӱлӱкӱнге прайзын хығырчабыс!
Программа. Пӱӱл ӱлӱкӱн Илбек Чиңіске чарыдылча
Республика ипподромында 22 кӧрікте Чыл пазы (0+) иртер. Пӱӱл пайрам Ада чир-суубыстың арачылағҷызы чылына паза Илбек Чиңіcтің 80 чылына чарыдылча. Кибір хоостыра полған на муниципалитет хакас ибін турғызып чазир. Город-аймахтарның ӧмелері тимнеен кӧзідіглерде Илбек Ада чааның ветераннарынаңар, СВО араласчыларынаңар чоохталар. Чонны ӱлӱкӱн программазынаң таныстырчабыс.
21 кӧрікте
18.00 – 18.40 – хара чаламалар ӧртирi. Пу кибірде прайзы аралазар оңдайлығ.
22 кӧрікте
«Матырлар чылы» ӧӧн ачыхта
10.00 – 11.00 – радиоконцерт;
11.00 – 11.30 – «Мӱчел» театр кӧзiдии;
11.30 – 11.45 – часхы пайрамынаң Хакасия ӱлгӱлерiнің алғыстазы;
11.45 – 12.00 – алғасчы устағҷыларны кибiрлер иртiрерге хығырғаны. Олар От иненi азырирлар, Пай хазыңа чаламалар палғирлар;
12.00 – 12.15 – хакас чонның Улуғлар чӧбiнің «Чыл кiзiзi» сыйыхты читiрерi;
12.15 – 12.30 – ӱлӱкӱн cпонсорларының город-аймахтарының кізілеріне сыйыхтар читірерi;
12.30 – 13.40 – Хакасияның город-аймахтарының аразында «Чирімні алғапчам» чайаачы марығ;
13.40 – 14.20 – В.Г.Чаптыковтың адынаң Хакас филармониязының солисттерiнiң «Матырлар тузы» концерт программазы;
14.20 – 15.10 – С.П.Кадышевтің адынаң чон чайаачызының национальнай кіні ӧмелерінің «Ада чирі» концерт программазы;
15.10 – 15.50 – «Чииттернің кӱзі» оол-хыстарның программазы;
15.50 – 16.10 – марығлар араласчыларын сыйыхтиры.
«Аймахтар чахсызы» ачыхта
11.00 – 16.10 – Хакасияның город-аймахтарының кӧзідии;
12.00 – 15.00 – Хакасияның муниципальнай пӱдiстерi турғысхан ибiҷектернiң хыриндағы «Хыйға чыланның ойыннары» программалар.
«Устар аалы» ачыхта
11.00 – 16.00 – Хакасияның декоративно-прикладной искусство устарының национальнай сувенирлер кӧзiдiг-садии.
«Ас-тамах пайы» ачыхта
11.00 – 16.00 – хакас чонның ас-тамаа садии.
«Аал хонии чырғалы» ачыхта
09.00 – 16.00 – аал хонии ас-тамааның садии.
Олғаннар ачығында
12.00 – 16.00 – аттракционнар тоғызы.
«Матырлар мӧрійі» спорт ачығында
12.00 – 16.00 – спорт марығлары, ойыннар.
Сом «Хакас чирі» газета редакциязының архивінең
Автор :
Аскар Артамонов
| Пн | Вт | Ср | Чт | Пт | Сб | Вс |
| 31 | 1 | 2 | 3 | 4 | 5 | 6 |
| 7 | 8 | 9 | 10 | 11 | 12 | 13 |
| 14 | 15 | 16 | 17 | 18 | 19 | 20 |
| 21 | 22 | 23 | 24 | 25 | 26 | 27 |
| 28 | 29 | 30 | 1 | 2 | 3 | 4 |
Кӱн таңмазы
Хакасияда
Россияда
Тилекейде
