Ӱгренҷілернi Чиңіс чолларынҷа
12.03.2025
Хабарлар
Илбек Чиңіс. Илбек Чиңістің 80 чылында паза Ада чир-суубыс арачылағҷызы чылында Хакасияның ӱгредіг паза наука министерствозы «Чиңіс чоллары» республиканың экскурсия проектін тоғындырып пастапча
Часхы каникулларда 80 школа автобузы ӱгренҷілерні чааҷы сабланызы орыннарынҷа тарт чӧрер. Мероприятиеде тӧрт муң артиинаң олған аралас полар.
«Чиңіс чоллары» экскурсия 1941 – 1945 чыллардағы Илбек Ада чаанаң палғалыстығ Хакасиядағы тархын-культура, тархын-чааҷы объекттернең паза хумартхы тастарнаң таныстырар. Ӱгренҷілер паза ортымах професcиональнай ӱгредіг учреждениелерінің студенттері аймахтар музейлерінде, ӱгредіг организациялары музейлерінде, хумартхы тастарда паза обелисктерде, чаа чылларында госпиталь полған организацияларда полып аларлар.
«Пістің ӧӧн пӧгінібіс – ӱгренҷілернің патриотизм хылиин тилідері, оларны пос чир-сууна хынарына, пос хазна паза чоны ӱчӱн поғдархирына ӱгредері. Пістің патриотизм проекті ӧсчеткен тӧлге Илбек Ада чааның тархынын кӧзіт пирер кӧстегліг полча», – таныхтапча Хакасияның ӱгредіг паза наука министрі Анатолий Бутенко.
Полған на муниципальнай пӱдісте постың Чиңіс чоллары тӧстелген. Іди Ағбан пилтірі аймаанда 15 экскурсия чолы кӧрілген, ӱгренҷілер школаларның музейлерінде, ааллардағы Илбек Ада чаа араласчыларына турғызылған хумартхы тастарда пол килерлер. Прай экскурсия чолларын «Ағбан пилтіріндегі музейҷе, Илбек Ада чаа мемориалынҷа паза хумартхы тастарҷа экскурсия» піріктірче, аны музей тоғынҷылары тимнеп салғаннар. Экскурсия араласчылары «Вечная слава» мемориал» региондағы культура ис-пайының объектін кӧріп аларлар, ол Илбек Ада чааға паза аның ӧӧн киректеріне чарыдылған 17 скульптурадаң паза ӱс барельефтең пӱтче. Паза «Братская могила воинов, погибших при железнодорожном крушении 5.10.45» региондағы культура ис-пайының объектінде пол килерлер.
Проектті Хакас Республиканың ӱгредіг паза наука министерствозы Чаа, істеніс, тирігліг кӱстер паза право хайраллаҷаң органнар ветераннарының региондағы халых пірігізінең хада паза Хакасияның культура министерствозы хабазиинаң тимнеен.
Хакасияның ӱгредіг паза наука министерствозының социальнай сетьтердегі страницалары:
Сом «Хакас чирі» газетаның архивінең
Автор :
Хакасияның ӱгредіг паза наука министерствозының пресс-службазы
| Пн | Вт | Ср | Чт | Пт | Сб | Вс |
| 24 | 25 | 26 | 27 | 28 | 1 | 2 |
| 3 | 4 | 5 | 6 | 7 | 8 | 9 |
| 10 | 11 | 12 | 13 | 14 | 15 | 16 |
| 17 | 18 | 19 | 20 | 21 | 22 | 23 |
| 24 | 25 | 26 | 27 | 28 | 29 | 30 |
| 31 | 1 | 2 | 3 | 4 | 5 | 6 |
Кӱн таңмазы
Хакасияда
Россияда
Тилекейде
