Кадрлар сурии ӱзӱрілген
12.03.2025
Хабарлар
Алла Самойлова
Тоғазығлар. Хакасия пазы Росздравнадзор устағҷызы Алла Самойлованаң тоғазығ иртірген
Хакасиязар тоғыс чорығынаң Россия Федерациязының хазых хайраллаҷаң сферадағы сыныхтағҷа Федеральнай службаның устағҷызы Алла Самойлова килген. Республика пазы Валентин Коновалов аннаң хада тоғазығ иртірген.
Анда регионның хазых хайраллирын тилідері, профильліг программалар чуртасха хайди кирілчеткені, ідӧк Хакасия 2024 чылда тоозыл парған «Хазых хайраллиры» паза «Демография» национальнай проекттерде араласханының салтарлары ӱзӱрілген.
Валентин Коновалов республика правительствозы регионның хазых хайраллирын тилідерінҷе паза чуртағҷыларның хазиин арачылирынҷа тоғысты система оңдайынаң апарчатханын таныхтаан.
Салтары чіли, республикада пала тӧріпчеткені хазнадағы паза Сибирьдегі ортымах синнең пӧзік.
Чыл салтарлары хоостыра, кізілер ӱреенінің сині Сибирьдегі федеральнай округтағы ортымах синнең тӧбін.
2024 чылда ідӧк ыңааҷахтар ӱреені иң тӧбін синде полған. Ол кӧзідім Сибирьдегі федеральнай округтағы паза Россиядағы ортымах синнең тӧбін.
Тоғазығ тузында ідӧк имнег учреждениелеріне квалификациялығ кадрлар табар сурығ, Хакасия правительствозы имнег киреензер специалисттерні тартарынҷа хайдағ кӱстеністер итчеткені ӱзӱрілген.
– Имҷілерге хабасчатханыңар ӱчӱн алғызым читірерге сағынчам. Ол ахча, хайзын республика отрасльзар имҷілерні дее, ортымах имнег персоналын даа тартарына позытча, тузазын кӧзітче. Пӱӱнгі кӱнге мында тӧстелген оңдайлар имнег тоғынҷыларына посты кӧзідерге, сын паза турыстығ имҷілер полыбызарға, Хакасия чуртағҷыларына туза ағылып тоғынарға чарас полчалар, – теен Алла Самойлова.
Росздравнадзор устағҷызы тоғыс чорығы тузында регионның ӱс имнег учреждениезінде пол килген, ідӧк хазых хайраллирының ӧӧн организациялары устағҷыларынаң хада улуғ чыылығ иртірген.
Валентин Коновалов Алла Самойловаа республикаа паза регионның хазых хайраллаҷаң системазын тилідеріне хайығ салчатханы ӱчӱн алғызын читірген. Ол пирген прай чӧптер тоғысха алылар тіп ізендірген.
Сомнар r-19.ru сайттаң
Автор :
Хакасия пазының паза Хакасия правительствозының пресс-службазы
| Пн | Вт | Ср | Чт | Пт | Сб | Вс |
| 24 | 25 | 26 | 27 | 28 | 1 | 2 |
| 3 | 4 | 5 | 6 | 7 | 8 | 9 |
| 10 | 11 | 12 | 13 | 14 | 15 | 16 |
| 17 | 18 | 19 | 20 | 21 | 22 | 23 |
| 24 | 25 | 26 | 27 | 28 | 29 | 30 |
| 31 | 1 | 2 | 3 | 4 | 5 | 6 |
Кӱн таңмазы
Хакасияда
Россияда
Тилекейде
