Хакасия – чемпионнар чирі
12.02.2025
Хабарлар
Ӧӧркі Чӧп кнезі Сергей Сокол кӱресчілернең хада
Спорт. Хакасия Ӧӧркі Чӧбінің кнезі Сергей Сокол хапсагайҷа марығ араласчыларынаң тоғасхан
Пу наада ӧріністіг хабар килген. Пістің кӱресчілер «Хангалас хапсагайа» чоннар аразындағы турнирде, кӱстерін сынап, чиңіс тутханнар паза сыйыхтығ орынға сыхханнар. Хапсагай – якут чонның кибірліг кӱрезі. Ол оңдайынаң олаңай кӱреске тӧӧй. Арға-мӧрій Якутияның ӧӧн городында 1-2 азығда ирткен.
Хакасияның ӱчӱн Виталий Канзычаков, Дмитрий Орешков паза Михаил Болганов турысханнар. Оларны марыға тренер Станислав Челтыгмашев тимнеен. Хазыр харбазығларда Виталий Канзычаков алтын медальны холға кирген, Дмитрий Орешков – хола призёр.
7 азығда Хакасия командазынаң Ӧӧркі Чӧп кнезі Сергей Сокол тоғасхан. Сергей Михайлович пик хуйахтығ чир-суғҷыларыбысха Ӧӧркі Чӧптің алғыстас пічіктерін читір пирген. Ідӧк тоғазығда Таштып аймааның пазы Николай Чебодаев паза Ӧӧркі Чӧп депутады Василий Шулбаев араласханнар. Спортсменнер оларның хабазиинаң Якутсксар марыға пар килгеннер. Сергей Сокол Н.В.Чебодаевке паза В.И.Шулбаевке полызығ ӱчӱн алғызын читірген.
Тоғазығ тузында чыылған чон чей іскен паза кибірліг спорт кӧрімнерiнің тилізін ӱзӱрген. Хандых айында республикада кӱресче марығ иртер. Ӧӧркі Чӧп Хакасия правительствозынаң хада аны иртірерінде ӧткін аралазарға тимде.
Сом С.Соколның телеграм-каналынаң
Автор :
Хакасия Ӧӧркі Чӧбінің хабарлар пӧлии
| Пн | Вт | Ср | Чт | Пт | Сб | Вс |
| 24 | 25 | 26 | 27 | 28 | 1 | 2 |
| 3 | 4 | 5 | 6 | 7 | 8 | 9 |
| 10 | 11 | 12 | 13 | 14 | 15 | 16 |
| 17 | 18 | 19 | 20 | 21 | 22 | 23 |
| 24 | 25 | 26 | 27 | 28 | 29 | 30 |
| 31 | 1 | 2 | 3 | 4 | 5 | 6 |
Кӱн таңмазы
Хакасияда
Россияда
Тилекейде
