Ӱгретчiлер хызырылбас
07.02.2025
Хабарлар
Хакасияның ӱгредiг паза наука министрi Анатолий Бутенко
Айланыс. Хакасияның ӱгредiг паза наука министрi Анатолий Бутенко ӱгредiг киреенде парчатхан оптимизация хоостыра школа паза олған садтары тоғынҷыларынзар айланча
– «Хакас Республиканың хазна органнарын, орындағы пос устаныс органнарын паза оларның холындағы учреждениелернi тударына хорадығларны хызырардаңар» чарадығ хоостыра ӱгредiг системазында оптимизация парча. Аннаңар муниципалитеттерзер пiчiктер ызылған. Анда ӱгредiг учреждениелерiнiң устағ-пастағ тоғынҷыларын хызырардаңар чоохталча. Сизiндiрерге сағынчам, олған садтарындағы, школалардағы паза хоза ӱгредiг учреждениелерiндегi ӱгретчiлернi хызырардаңар чоох парбинча.
Таныхтирға кирек, муниципалитеттердегi ӱгредiг учреждениелерiнiң учредительi город-аймахтар пастары полчалар. Олар специалисттi тоғысха алардаңар, сығарардаңар сурығны пӧкчелер. Муниципалитеттер пастарыох ӱгредiг учреждениелерiнiң устағҷыларын турғысчалар паза школа, олған садтарының устағ-пастағ тоғынҷыларының санын хайығда тутчалар.
Хоза чоохтирға кирек, Хакасияның ӱгредiг паза наука министерствозында iдӧк оптимизация парча. Хазна паза гражданскай служащайларны пис процентке хызырары кӧрiлче. Андағох тоғыс министерствоның хайиина кiрчеткен учреждениелерде парча.
Пазох хайииңар айландырчам, муниципалитеттерзер ызылған пiчiкте ӱгретчiлернi хызырардаңар чоох парбинча. Минiң телефон номерiм: 8(3902)295-214. Мин прайзына азыхпын, сурығларыңа нандырарға тимдебiн. Айланыңар, сығдырадыңар, – таныхтаан чооғында Хакасияның ӱгредiг паза наука министрi Анатолий Бутенко.
Сом Хакасияның ӱгредiг паза наука министерствозының пресс-службазыни
Автор :
Оксана Котюбеева
| Пн | Вт | Ср | Чт | Пт | Сб | Вс |
| 29 | 30 | 31 | 1 | 2 | 3 | 4 |
| 5 | 6 | 7 | 8 | 9 | 10 | 11 |
| 12 | 13 | 14 | 15 | 16 | 17 | 18 |
| 19 | 20 | 21 | 22 | 23 | 24 | 25 |
| 26 | 27 | 28 | 29 | 30 | 31 | 1 |
Кӱн таңмазы
Хакасияда
Россияда
Тилекейде
