Ахча утып алар оңдай
31.01.2025
Хабарлар

Марығ. Хакасияның студенттерiн «Твой Ход» проектте аралазарға хығырчалар
Пу проект «Россия – страна возможностей» президент платформазының проекттер санына кiрче. Аны чииттер киректерiнҷе федеральнай агентство (Росмолодежь), Россияның наука паза пӧзiк ӱгредiг министерствозы хабазиинаң иртiрчелер.
Пӱӱл «Твой Ход» хазнада пизiнҷi хати иртер. Хакасияның студенттерi проекттiң кибiрлiг паза нааҷылалған марығларында аралас поларлар.
– «Твой Ход» Россия cтуденттерiнiң проекттерiнiң иң ӧӧнiне саналча. Чылдаң чылға ол алғыдылча. Пiлчем, хазнаның муңарлап студентi марығ пасталарын сахтапча. Пӱӱл пiс пис марығ чарлапчабыс. Оларның санында iкi марығ нааҷылалған, пiрсi регионнардағы студенттер ӧмелерiнiң проекттерiне кӧрілген. Пасха даа наа нимелер пар. Кӧзiдiмге, «Твой Ход х Дебаттл» спецпроектте вузтарның паза колледжтернiң ӱгретчiлерi, тоғынҷылары, проректорлары аралас поларлар, «Твой Ход х Импровизация» спецпроектте, тiзең, ӱс кӧcтегнiң пiрсiн таллап аларға чарир. Сiрерге дуэт араласчызы, вуз клубының кураторы алай комедия тренерi полыбызарға чарир. Проекттiң наа сезонын чарых паза хынығ идiбiзеелер!» – таныхтаан «Россия – страна возможностей» президент платформазының ӧӧн директор орынҷызы Алексей Агафонов.
«Твой Ход» проекттiң пизiнҷi сезонына пис марығ кiрче, ол санда «Объединяю» паза «Вдохновляю». «Делаю» трек студенттернiң аразында лидерлернi iлезiне сығарарына кӧстеглiг. Иң артых чӱс проекттiң авторлары ахчалығ хабазығ аларлар. «Открываю» трек пастағы курстағы студенттерге постаңар искiрерге оңдай пирче. Мында иң артых 200 студент табылар. «Объединяю» ӧменең тоғынар трек студенттернi хада-пiрге тоғынарға ӱгредер.
– Марығларда вузта алай профессиональнай ӱгредiг организацияларында ӱгренчеткен чииттерге алынҷа алай ӧменең аралазарға чарир, – таныхтаан чооғында проекттiң устағҷызы Юлия Епифанова.
Марығдаңар алғыда пiлiп аларға паза анда аралазарға сағынчатханнарға сурыныс пiчиин «Твой Ход» платформаҷа ызарға чарир.
Автор :
Тимнеен Оксана Котюбеева
Пн | Вт | Ср | Чт | Пт | Сб | Вс |
27 | 28 | 29 | 30 | 31 | 1 | 2 |
3 | 4 | 5 | 6 | 7 | 8 | 9 |
10 | 11 | 12 | 13 | 14 | 15 | 16 |
17 | 18 | 19 | 20 | 21 | 22 | 23 |
24 | 25 | 26 | 27 | 28 | 1 | 2 |
Кӱн таңмазы
Хакасияда
Россияда
Тилекейде