Аршаннар аалынаңар кӧріңер
29.01.2025
Хабарлар
Хакасияның сенаторы Олег Земцов ӧріністіг хабарнаң ӱлесче: Хакасияның Аршаннар аалынаңар "ВМЕСТЕ-РФ" федеральнай телеканалның "Россияның ааллары" кӧзідігде чоохтап пиргеннер.
Кӧзідіг киҷее, 28 кӱргенде, сыххан. Анда аалның иң улуғ, кибірліг сӧбірелерінің пірсі Мария паза Никанор Сагалаковтардаңар кӧзіділче, олар чоныбыстың хакас чон кибірлерінең таныстырчалар, талған, потхы тимнелчеткенін кӧзітчелер, музыка школазының ӱгретчізі Валентина Тюкпиекова паза ӱгренҷілері хакас кӧг тиріглерінең таныстырчалар, Ия Чанкова, тізең – тадар ибіҷегінең.
"Мында кізі чолы осхас пурунғы пілізі хайраллалча - андар чолны хам кӧзіт пирер. Хомыснаң алай чатханнаң, тізең, палалар даа ойнапчалар.
Полған на турада айраннаң паза талғаннаң сыйлапчалар - андағ кӧс чӧрчеткен хыйға чонның иргі кибірі".
Тиксі кӧзідіг 22 минута парча.
"Кӧріңер, хайдағ пай кӧзідіг, ол аалҷыларны удурлирға хынчатхан хакас чонның кибір-чозахтарын чахсы чарытча.
Ус тоғыстары, чайаачы кӧрістері ӱчӱн хабарҷыларны алғыстапчам!" – пасча искіриинде Олен Земцов.
Кӧзідігні пу ссылкаҷа кӧріп аларға чарир: https://vmeste-rf.tv/programs/samye-krasivye-derevni-rossii/derevni-rossii-respublika-khakasiya-arshanovo/.
Автор :
Тимнеен Наталья Сюптерекова
| Пн | Вт | Ср | Чт | Пт | Сб | Вс |
| 27 | 28 | 29 | 30 | 31 | 1 | 2 |
| 3 | 4 | 5 | 6 | 7 | 8 | 9 |
| 10 | 11 | 12 | 13 | 14 | 15 | 16 |
| 17 | 18 | 19 | 20 | 21 | 22 | 23 |
| 24 | 25 | 26 | 27 | 28 | 1 | 2 |
Кӱн таңмазы
Хакасияда
Россияда
Тилекейде
