Александр Миягашев: «Сайбағ ӱчӱн хатығлас поларға кирек»
24.01.2025
Хабарлар
Сағыс-кӧріс. Хакасия пазы Валентин Коновалов хол салбаан «Хакас Республикадағы бюджет процезінеңер паза бюджеттер аразындағы хайызығлардаңар» закон проекті хоостыра сағыс-кӧрістер пасхалалчалар, депутаттар даа аразында ол кирекче пір кӧріс чоғыл
Хакас Республиканың Ӧӧркі Чӧп депутады Александр Миягашев суум-саам сығарған закон проектінҷе позының сағыс-кӧрізін искір пирген:
«Ӱлгӱ 5 – 7 хаалаға алнынзар сағынарға кирек, посха чахсы чуртирынаңар нимес, Хакасия чоны кирексіністерінеңер сағыссырирға. Аннаңар Хакасия пазы ол таластығ закон проектіне вето салыбысхан. Ол прай орта иткен.
Бюджеттегі ахчаны, посха тоғынып аларынаң хыринда, хорадарға хай-хай истіг. 2023 чылда муниципальнай пӱдістер саринаң ол законның бюджеттер аразындағы кирексіністерін сайбааны тӧрт полған, 2024 чылда ікі халған. Мында сайбағҷыларның пірсі, республика ӱлгӱлері, амды иртіре хорадығлар ӱчӱн хатығ сурирларын сизін салып, андағ закон сығарҷаң пастағнаң сыхча.
Минің сағыс-кӧрізім, муниципальнай синде –Таштып аймааның депутаттар чӧбінде – тоғынған депутаттың чіли, мындағ: сайбағ ит салғазың – хатығлас поларға кирек. Іди полбаза, республикада анархия пасталыбызар.
Санапчам, республика пазының теестегі хаалии Россия паза Хакасия законнарынаң тыыдылған бюджет правилоларын сайбааннардаң тоғыр поларға кирек, чарыда чоохтаза – киртініске турыспааны хоостыра должнозынаң суурары!»
Автор :
Тимнеен Альберт Толмашов
| Пн | Вт | Ср | Чт | Пт | Сб | Вс |
| 31 | 1 | 2 | 3 | 4 | 5 | 6 |
| 7 | 8 | 9 | 10 | 11 | 12 | 13 |
| 14 | 15 | 16 | 17 | 18 | 19 | 20 |
| 21 | 22 | 23 | 24 | 25 | 26 | 27 |
| 28 | 29 | 30 | 1 | 2 | 3 | 4 |
Кӱн таңмазы
Хакасияда
Россияда
Тилекейде
