Кӧп палалығларға, СВО араласчыларына льготалар
17.01.2025
Хабарлар

Чыл салтарлары. Ӧӧркі Чӧп депутаттары ирткен чылда регионға тузалығ 35 закон алыбысханнар
Бюджет паза налог сферазында законнар алылып, кӧп палалығ іҷе-пабаларға, палаларын очнай оңдайҷа ӱгретчетсе, налог льготалары турғызылған, СВО араласчыларына паза оларның сӧбіредегілерге транспорт налогын тӧлирінҷе – льгота.
Республикадағы экономика киреен санға алып, налог тӧлепчеткеннерге полызар ӱчӱн, льготалығ хабазығлар турғысчатхан законнар алылған:
– 2025 чылның кӱрген айынаң пасти «Налог саларының автоматизированнай нииктелген системазы» ӧнетін налог режимі кирілген;
– налог тӧлепчеткеннернің піреелеріне, УСН-наң паза налог саларының патенттіг системазынаң тузаланчатса, паза аал хонии ас-тамаан сығарчатханнарға льготалығ налог ставкаларын паза пасха даа льготалар пирер тус 2025 чыл тоозыларына теере узарадылған.
Социальнай хайызығларны оңдайлиры хоостыра пӧзік имнег ӱгредиин алған специалисттерге паза имнег физиктеріне, хайзылары республиканың хазна имнег учреждениезінзер пастағызын на тоғысха кірчелер, пір хати пирілчеткен ахчалығ тӧлегні алар оңдай пирілген. Аннаң пасха, социальнай тӧлеглер алҷаң праволығ имнег тоғынҷылары санынзар чорыхха чӧрчеткен патронажнай паллиативнай имнег полызии пӧліктерінің имҷілері киріл парғаннар.
Тикке путевкалар алар, ідӧк тынанҷаң, хазыхтанҷаң орынзар чидеріне паза нандыра айланарына городтар аразындағы транспортнаң чӧргені ӱчӱн хорадығларны айландырар праволығ палалар категориязынзар Хакасияда чуртапчатхан СВО араласчыларының палалары кирілгеннер;
– кинек кізілерні тоғысха аларына квота сині ӧскірілген;
– кічіг комплекттіг школаларға норматив турғызарының алынҷа оңдайлары санға алылған, оларда класстар толдыра поларына кирексініс хыйа алылған;
– «Культурадаңар» республика законынзар театр, табығ паза музыка правозы облазында ахчалығ сыйыхтар пирер кӧрімніг хоза социальнай хабазығ пирердеңер тӱзедіг кирілген;
– ӱгретчілерге чурт, чылығ паза чарытхы ӱчӱн хорадығларын айландырҷаң компенсацияның иң улуғ сині кӧдірілген;
– Хакас Республикадағы мировой чарғыҷылар аппарадының хазна гражданскай служащайларына ай сай пирілчеткен ахчалығ сыйыхтың синін ӧскірердеңер чарадығлар алылған;
– «Хакас Республиканың саблығ журнализі», «Хакас Республиканың право хайраллаҷаң органнарының саблығ тоғынҷызы» республиканың наа аарластығ аттары тӧстелген, республиканың саблығ ӱгредіг тоғынҷыларына 15 % хоза тӧлег кирілген.
Экономика сферазында депутаттар чуртағҷыларны муниципалитеттер аразындағы маршруттарҷа тӧреміл тарт чӧрчеткеннерге кирексіністер турғысчатхан закон алыбысханнар. Ол кирексіністер санында:
– чуртағҷыларны тарт чӧреріне читкіҷе, турғызылған расписание хоостыра, транспорт ызары;
– алыстырылған тарифтер тузаланылчатханынаңар искірері.
Аннаң пасха, депутаттар, килістіре законнар алып, кресен (фермер) хоныхтарына арендаа алҷаң чир участоктарының иң улуғ синін 300 гектардаң 1500 гектарға теере ӧскірібіскеннер.
Республиканың административно-территориальнай пӱдізі саринаң Ағбан городты столица статустығ итчеткен закон алыл парған. Паза ээзі чох адайларнаң тоғынҷаң оңдай закон пастыра чарадыға алылған.
Тиксі 2024 чылда Ӧӧркі Чӧпсер 132 закон проекті кірген, оларны киргеннер:
72 – Ӧӧркі Чӧп депутаттары;
42 – Хакас Республиканың пазы – Хакас Республиканың правительство кнезі;
5 – Хакас Республика прокуроры;
7 – Хакас Республикадағы муниципальнай пӱдістернің представительнай органнары;
1 – Ӧӧркі Чӧп депутады Хакас Республикадағы муниципальнай пӱдістернің представительнай органынаң хада;
1 – Хакас Республиканың Ӧӧркі Чарғызы;
2 – Хакас Республиканың Табығ комиссиязы.
2024 чылда 130 закон проекті ӱзӱрілген, ол санда:
– 112 закон алылған (13 ӧӧн закон, алызығлар кирердеңер 98 закон (оларның пірсін Хакас Республиканың пазы – Хакас Республиканың правительство кнезі хыйа иткен), пір закон – закон сығарҷаң акттарның алынҷа положениелерінің тоғызын тохтадардаңар).
Ӧӧркі Чӧптің ӱзӱриинде ам даа 13 закон проекті халған.
Сом vskhakasia.ru сайттаң
Автор :
Хакасияның Ӧӧркі Чӧбінің хабарлар пӧлии
Пн | Вт | Ср | Чт | Пт | Сб | Вс |
27 | 28 | 29 | 30 | 31 | 1 | 2 |
3 | 4 | 5 | 6 | 7 | 8 | 9 |
10 | 11 | 12 | 13 | 14 | 15 | 16 |
17 | 18 | 19 | 20 | 21 | 22 | 23 |
24 | 25 | 26 | 27 | 28 | 1 | 2 |
Кӱн таңмазы
Хакасияда
Россияда
Тилекейде