«Чыл салтарлары Владимир Путиннең хада»: Хакасия пазы республика чуртағҷылары пирген сурығларның паза айланыстарның пірдеезі хайығ чох халбас тіп ізендірген
20.12.2024
Хабарлар

Хакасия пазы, Москвада тоғысчы чорығынаң полып, хазнаның политика-халых чуртазындағы ӧӧн кирее – «Чыл салтарлары Владимир Путиннең хада», хайзы кӧні палғалысты паза улуғ пресс-конференцияны піріктірген – хоостыра сағыс-кӧрізін искірген.
Президент анымҷохтасчатхан чылның салтарларын иткен, Россия 2024 чылның тоозылчатханына хайдағ экономика кӧзідімнерінең читкенінеңер чоохтап пирген.
СМИ-лер паза хазна чуртағҷылары пирген сурығлар аймах-пасха темаларға теелгеннер. Ӧӧн хайығ ӧнетін чаа операциязына салылған.
Президентттең кӧні палғалыстың колл-кінінзер Хакасиядаң кірген сурығларны істесткені 5 ӧӧн теманы кӧзіткен: олған пособиелері, чурт, имнег, сағба чох чіткен чааҷыларны тілирі, паалар ӧзізі паза парыстар тӱскені.
Пістің республика чуртағҷыларынаң кірген прай сурығлар паза айланыстар, хайзылары кӧні эфирде искірілбееннер, оларҷа тоғыс апарар ӱчӱн регионның профильліг ведомстволарынзар паза ӱлгӱ органнарынзар, ол санда Хакасия правительствозынзар, пиріл парарлар.
Валентин Коновалов полған на кізее айланызы хоостыра нандырығ пирілер, пір дее сурығ хайығ чох артызылбас тіп ізендірген.
Президенттең хада кӧні палғалыстаңар сағыс-кӧрізінең ӱлезіп, Хакасия пазы хазна устағҷызы чуртағҷыларнаң чоохтазығда азых полғанын, прай даа сфералардағы сурығларны, хазна чуртағҷыларының сидіксініcтерін тирең пілчеткенін, иң сидік сурығларға даа нандырарға тимде полғанын таныхтаан.
Сом kremlin.ru сайттаң
Автор :
Хакасия пазының паза Хакасия правительствозының пресс-службазы
Пн | Вт | Ср | Чт | Пт | Сб | Вс |
27 | 28 | 29 | 30 | 31 | 1 | 2 |
3 | 4 | 5 | 6 | 7 | 8 | 9 |
10 | 11 | 12 | 13 | 14 | 15 | 16 |
17 | 18 | 19 | 20 | 21 | 22 | 23 |
24 | 25 | 26 | 27 | 28 | 1 | 2 |
Кӱн таңмазы
Хакасияда
Россияда
Тилекейде