Пирiлген молҷағ толдырылған
06.12.2024
Хабарлар

Бадма Башанкаев Хубачардағы имнег туразында
Имнег кирее. Алтай аймааның Хубачардағы имнег туразына наа имнег оборудованиезі читірілген
Россия Хазна Думазының хазых хайраллирынҷа комитеді кнезінің пастағы орынҷызы, «Единая Россия» депутады, хирург-онколог Бадма Башанкаев Хубачардағы имнег туразына амғы тусха килістіре полчатхан лапароскопическай стойканы читір пирген.
Ол Россияда сығарылған имнег оборудованиезі, универсальнай паза пӧзік технологиялығ, харнындағы паза кӧксіндегі органнарға малоинвазивнай (кічіг тизіктер пастыра) операциялар иртір турарға оңдай пирер. Аның тоғыс оңдайлары алғым хирургия специальностьтарына, ол санда тиксі хирургияа, урологияа, гинекологияа паза ортопедияа даа, килістіре полча. Лапароскопическай стойканаң хада хирургия пӧлиине операциялар иртіреріне киректелчеткен наа тиріглер читiрілген.
Имнег туразына наа оборудование пирер пастағ пір чыл мының алнында сығысхан, хаҷан Бадма Башанкаев республика парламентінің пазы Сергей Сокол ааллап хығырғаны хоостыра Хакасиязар килген.
«Сергей Соколнаң хада піс СВО зоназында пір подразделениеде служба ирткебіс. Аннаңар 2023 чылда чайғызын ол мині Хакасиязар ааллап килерге хығырғанда, піс имҷі-коллегаларнаң хада республиказар килгебіс. Имнег туразы ӧмезінең тоғазығда наа оборудование киректелчеткені ілезіне сығысхан. Пӱӱн піс ол наа оборудование полызиинаң пастағы операцияны иртірібіскебіс. Стойка орындох, аймах кінінде, пӧзік технологиялығ операциялар иртірерге оңдай ла пирбес, ол ідӧк имҷілерге тилирге, пос узын ӧскірерге оңдай пирер. Имҷі кізее хаҷан даа тӧреміл ӱгренерге кирек», – таныхтаан Бадма Башанкаев.
Ідӧк Хазна Думазының хазых хайраллирынҷа комитеді кнезінің пастағы орынҷызы Хакасиязар тоғыс чорығы тузында Хубачардағы реабилитация кіні хайди тоғынчатханын кӧріп алған. Анда ӧнетін чаа операциязының араласчылары паза Алтай аймаа чуртағҷылары хазиин оңдайлапчалар.
Сом vskhakasia.ru сайттаң
Автор :
Хакасияның Ӧӧркі Чӧбінің хабарлар пӧлии
Пн | Вт | Ср | Чт | Пт | Сб | Вс |
27 | 28 | 29 | 30 | 31 | 1 | 2 |
3 | 4 | 5 | 6 | 7 | 8 | 9 |
10 | 11 | 12 | 13 | 14 | 15 | 16 |
17 | 18 | 19 | 20 | 21 | 22 | 23 |
24 | 25 | 26 | 27 | 28 | 1 | 2 |
Кӱн таңмазы
Хакасияда
Россияда
Тилекейде