Республикаа хабазығ ӱчӱн алғызын читірген
06.12.2024
Хабарлар

Тоғазығ тузында
Тоғазығ. Валентин Коновалов Николай Шульгиновнаң тоғасхан
Улуғ хырлас айының 4-ҷі кӱнінде республиканың правительство туразында Хакасия пазы Валентин Коновалов Хазна Думазының энергетикаҷа комитедінің кнес орынҷызы Николай Шульгиновнаң хада тоғысчы тоғазығ иртірген.
Республика устағҷызы Валентин Коновалов Николай Григорьевичке регионға хабасчатханы ӱчӱн алғызын читірген.
Кӧзідімге, пірге кӱстеніcтерiнең, ол санда Хазна Думазының Хакасиядаң сығара депутады полызиинаң, чарытхынаң тузаланар диапазоннарҷа сурығны республиканың паза аның чуртағҷыларының сарин алып пӧгібізер оңдай табылған. Аның сылтаанда регионда «Арығ кии» программаны чуртасха тӱзімніг кирері узарадылар. Экологияны хайраллапчатхан чылығ пиреріне кірчеткеннер чарытхынаң хорыхпин тузалан поларлар.
– Пу сурығларда піс Сірернің улуғ полызииңарны кӧргебіс. Киртінчем, піс ам даа кӧп сурығны хада пӧгіп аларбыс, – теен тоғазығ тузында регион пазы.
Іди пӱӱн федеральнай кіннең тоғынарын узарадары пӧгінде турча, диапазонны килер ле чылға нимес, тиксі тӧреміл тӧстегнең турғыс салары ӱчӱн.
Сарилар тоғазығда пасха даа чапчаң пӧгерін кирексіпчеткен сурығларны ӱзӱрібіскеннер, ӧӧн сурығларны пӧгерінҷе мыннаң мындархы стратегияны кӧр салғаннар.
Сом r-19.ru сайттаң
Автор :
Хакасия пазының паза Хакасия правительствозының пресс-службазы
Пн | Вт | Ср | Чт | Пт | Сб | Вс |
27 | 28 | 29 | 30 | 31 | 1 | 2 |
3 | 4 | 5 | 6 | 7 | 8 | 9 |
10 | 11 | 12 | 13 | 14 | 15 | 16 |
17 | 18 | 19 | 20 | 21 | 22 | 23 |
24 | 25 | 26 | 27 | 28 | 1 | 2 |
Кӱн таңмазы
Хакасияда
Россияда
Тилекейде