Палғалыс системазын табырах тыхтабысхан
29.11.2024
Хабарлар
Гвардияның кiчiг сержанты Денис Новиков
Матырлар тузы. Гвардияның кiчiг сержанты Денис Новиков 2024 чылның азығ айынаң сығара контрактча чааҷы службазын устағ-штаб машиназының радиостанция пастығы полып иртче
Саяногорсктаң СВО-зар парған гвардияның 90-ҷы танктар дивизиязының 6-ҷы танктар полкының чааҷы-контрактнигi Денис Новиков Авдеевка, Тоненькое, Новоалександровка, Мемрик, Желанное, Украинск город-аалларны позыдарында араласхан.
23 ӱртӱнде палғалысты чахсы тудар чаа пӧгiнiн толдырчатханда, ВСУ-ның боевиктерi артиллериядаң, кассеталығ снарядтарнаң тузаланып, ат сыхханнар. Украинск город хыриндағы арығда радиоҷа палғалыс тутчаң ретрансляторлар системазы сайбал парған.
Кiчiг сержант Новиков, пiр дее iкiнҷiлебин, палғалыс аппаратуразы турчатхан орынзар парып, ретрансляторлар системазының сайбалған модульларын, турғызып, тыхтап сыххан. Ыырҷы сыбыра атчатхан даа полза, Денис Евгеньевич, позына пiр дее айабин, 30 минута аразына радиоҷа палғалыс тутчаң ретрансляторлар системазын тыхтабысхан. Аны сыныхтабызып, палғалыс тыхталғаннаңар командованиее искiрген. Ағаа нандыра айланарға приказ пирiлген.
Денис Новиков подразделениезер айланчатханда, аны ыырҷының FPV-дроннары абылааннар. Арығда чазынар орын тiлепчеткенде, ырахтын тоғынчатхан минаа урун парған. Азаан палығладып, кiчiг сержант Новиков, чiдiрiнмин, позына пастағы полызығ идiп, кӧзiрер ӧменi хығырыбысхан.
Арғыстары Денис Евгеньевичтi госпитальзар апарғаннар, анда ағаа квалификациялығ имнег полызии пирiлген.
Сом Ӧӧн чааҷы округының альбомынаң
Автор :
Тимнеен Николай Султреков
| Пн | Вт | Ср | Чт | Пт | Сб | Вс |
| 25 | 26 | 27 | 28 | 29 | 30 | 1 |
| 2 | 3 | 4 | 5 | 6 | 7 | 8 |
| 9 | 10 | 11 | 12 | 13 | 14 | 15 |
| 16 | 17 | 18 | 19 | 20 | 21 | 22 |
| 23 | 24 | 25 | 26 | 27 | 28 | 29 |
| 30 | 31 | 1 | 2 | 3 | 4 | 5 |
Кӱн таңмазы
Хакасияда
Россияда
Тилекейде
