Хакасияа – «Алтын каток»
21.11.2024
Хабарлар
Республика «Хорғыс чох чахсы чоллар» нацпроектті турыстығ толдырча.
Хакасия турғызылған пӧгінні иң чахсы толдырған регионнар санына кір парған. Сыйыхтас «Россия транспорты» чоннар аразындағы форумда ирткен. Алғыстас сӧстерінең Россия правительствозының кнес орынҷызы Марат Хуснуллин чоох тутхан. Хакасияа пирілген «Алтын каток» сыйыхты республика пазының орынҷызы Юрий Курлаев аларға сыххан.
«Марат Шакирзяновичке пістің тоғыс пӧзік паалалғаны паза Россия президенті турғысхан пӧгіннерні чуртасха кирерінде федеральнай кін хабасханы ӱчӱн алғызым читірчем. Ідӧк улуғ алғыс Хакасияның чол отрасльының прай тоғынҷыларына, оларның чахсы тоғызы сылтаанда мындағ турыстығ салтарларға читкебіс. Піc хорғыс чох паза истіг чоллар тӧстирінҷе тоғысты пазағы чылда наа нацпроектче узарадарға тимдебіс», – таныхтаан Хакасияның транспорт министрі Олег Емелин.
Сом government.ru сайттаң
Автор :
Тимнеен Альберт Толмашов
| Пн | Вт | Ср | Чт | Пт | Сб | Вс |
| 27 | 28 | 29 | 30 | 31 | 1 | 2 |
| 3 | 4 | 5 | 6 | 7 | 8 | 9 |
| 10 | 11 | 12 | 13 | 14 | 15 | 16 |
| 17 | 18 | 19 | 20 | 21 | 22 | 23 |
| 24 | 25 | 26 | 27 | 28 | 29 | 30 |
Кӱн таңмазы
Хакасияда
Россияда
Тилекейде
