Закон сайбағӌылары iлезiне сығарылчалар
04.10.2024
Хабарлар
Сыныхтағ. Хакасияӌа МВД тоғынӌылары СОБР чааӌыларынаң хада региондағы читi объектте миграция законодательствозы хайди толдырылчатханын сыныхтааннар.
Республикада полицейскайлар миграция законодательствозын сайбапчатхан Ортын Азиядаң килген 92 кiзiнi iлезiне сығарғаннар. Iди пӱдiрiг объекттерiнде, садығ базаларында паза хырығ озаринаң чаланып тоғынарға килген кiзiлер чуртапчатхан орыннарда сыныхтағ иртiрiп, мигранттарның пiчiктерiн сыныхтаанда 92 административнай сайбағ iлезiне сығарылған. Тутырғаннар аразында 18 – 49 частығ 91 ирен паза 1 ипчi полған. Оларның аразында тöрт пасха хан кiзiзi пiстiң хазнада закон хоостыра полар (чуртир) оңдайын чiдiр салған полтыр, паза ӱс кiзi имиграция правилоларын сайбабысхан полтыр.
Республика чарғылары пис кiзiнi пiстiң хазнадаң административнай оңдайнаң ызыбызардаңар чарадығлар алғаннар, олар Хакасияӌа МВД-ның пасха хан кiзiлерiн тутчаң кiнзер кирiлгеннер. Ағаа хоза, сайбағлар иткен ӱчӱн, сигiс мигрантты Россиязар паза позытпастаңар чарадығ алылған. Хакасияның полицейскайлары законнаң хыйыстыра республикада полчатхан пасха хан кiзiлерiн, iдöк Россияның гражданствозын тохтадар тöстег пар кiзiлернi iлезiне сығарарынӌа мероприятиелер иртiрерiн узарадарлар.
Сом Хакасияӌа МВД пресс-службазыни
Автор :
ХАКАСИЯӋА МВД
| Пн | Вт | Ср | Чт | Пт | Сб | Вс |
| 24 | 25 | 26 | 27 | 28 | 1 | 2 |
| 3 | 4 | 5 | 6 | 7 | 8 | 9 |
| 10 | 11 | 12 | 13 | 14 | 15 | 16 |
| 17 | 18 | 19 | 20 | 21 | 22 | 23 |
| 24 | 25 | 26 | 27 | 28 | 29 | 30 |
| 31 | 1 | 2 | 3 | 4 | 5 | 6 |
Кӱн таңмазы
Хакасияда
Россияда
Тилекейде
