Чукоткадағы Эгвекинот посёлокта СВО-да чуртазын пир салған пiстiң чир-суғӌыбыс, Россия Матыры, гвардияның ефрейторы Аймир Миягашевке хумартхы тас пайрамни азылған.

Хайди чоохтаан «Единая Россия» партияның орындағы пöлиинiң хачызы Наталия Жукова, Матырға хумартхы тас «ШТАР» чаа-спорт клубы» чииттернiң халых пiрiгiзi пастаанӌа тöстелген. Аймир Миягашев, школада ӱгренчеткенде, ол клубтың кiзiзi полған.

Пiс чииттерге проект тимнирге полысхабыс, iдöк Эгвекинот город округының устағ-пастаа ахчанаң хабасхан. Хумартхы тас ады чох аллеяда турғызылған, ам ол Чир-суубыс арачылағӌызы адынаң адалар. Посёлокта пу орынзар ӱгренӌiлер, студенттер, чуртағӌылар чöрерлер. Матыр пiснең хости чуртаанын хаӌан даа ундутпаспыс, аннаң cыбыра поғдархапчабыс.

Сом интернеттең