Бюджеттеңер законны ӱзӱрер оңдай алыстырылған
20.09.2024
Хабарлар
Ӧӧркі Чӧп. Республиканың 2025 чылға бюджедін ӱзӱреріне паза аларына тимненіс алнында, Хакасияның Ӧӧркі Чӧп кнезі Сергей Соколның чахиинҷа, бюджетче паза налог политиказынҷа комитет Хакасияның прай муниципалитет пастарынаң консультациялар иртірген
Ол регионның ӧӧн ахчалығ пічиинҷе тоғынҷаң саңай наа оңдай, хайзы республика городтарының паза аймахтарының кирексіністерін санға алар паза оларға полномочиелерін толдырарға полызар.
«Піс бюджеттеңер законны ӱзӱрер оңдайны алыстырыбысхабыс. Бюджеттеңер закон Ӧӧркі Чӧпсер официально кирілер алнында муниципалитеттерібістің социальнай кирексіністеріне иң асхынах нинҷе ахча киректелердеңер саннарны кӧрібізерге чарадығ алылған. Пеер чал ахчазын тӧлиріне, бюджет учреждениелерін тударына паза чурт-коммунальнай полызығлар ӱчӱн тӧлиріне хорадығлар кірчелер, ідӧк тоғынчатхан законодательствоҷа кӧрілген нинҷе-де обязательство», – таныхтаан бюджетче паза налог политиказынҷа комитет кнезі Валерий Марков.
Бюджетче консультациялар Хакасияның прай город-аймахтары пастарынаң иртірілген. Амды килер чылға республика бюджедінде оларға полномочиелерін толдырарына тиксі нинҷе ахча киректелері пілдістіг пол парған.
«Мындағ консультацияларны піс пастағызын на иртірчебіс. Бюджет пістің муниципалитеттернің сағыс-кӧрізін санға албин алылчатханы – орта нимес. Улам, хаҷан оларға читкіҷе ахча чох республика синінең пиріл парған полномочиелерні толдырарға килісче. Тоғазығларның салтарларынҷа иң асхынах ахча сині, хайзы чох орындағы пос устаныс органнары пос полномочиелерін толдыр полбас, пілдістіг пол парар. Законны ӱзӱрчетсе паза алчатса, ол кирексіністерні санға аларбыс, ол санда городтар паза аймахтар бюджеттеріне ахчалығ полызығ пирҷең синні кӧрчетсе», – сағыс-кӧрізінең ӱлескен Хакасияның Ӧӧркі Чӧп кнезінің орынҷызы Леонид Быков.
Сом Ӧӧркі Чӧп сайтынаң
Автор :
Хакасияның Ӧӧркі Чӧбінің хабарлар пӧлии
| Пн | Вт | Ср | Чт | Пт | Сб | Вс |
| 30 | 1 | 2 | 3 | 4 | 5 | 6 |
| 7 | 8 | 9 | 10 | 11 | 12 | 13 |
| 14 | 15 | 16 | 17 | 18 | 19 | 20 |
| 21 | 22 | 23 | 24 | 25 | 26 | 27 |
| 28 | 29 | 30 | 31 | 1 | 2 | 3 |
Кӱн таңмазы
Хакасияда
Россияда
Тилекейде
