Кем хакас тiлін артых пiлче?
04.09.2024
Хабарлар
Тiл марии. Хакасияның национальнай паза территориальнай политика министерствозы пизiнҷi чылы пастағы класстағы ӱгренҷiлер аразында хакас тiлi мариин иртiрче
Марығның ӧӧн пӧгiнi – республиканың iкiнҷi хазна тiлiн хайраллиры, тилiдерi паза аны сӧбiреде сабландырары.
Ӱртӱн айының 1 – 25 кӱннерiнде iҷе-пабалардаң пiчiктер алылар. Чарыс айының 1 – 11 кӱннерiнде марығ иртiрілер. Анда араласчылар эксперт комиссиязынаң чоох алызарлар. Комиссиядағылар олған пос тiлiн пiл полчатханын, чоохтасчатханын, пос сағызын искiр полчатханын паалирлар.
Тiл мариинда аралазарға сағынчатхан сӧбiрелерге мындағ пiчiктер тимнеп саларға кирек:
– сурыныс пiчии;
– паспорттың хобырғаны;
– СНИЛС-тың хобырғаны;
– ИНН-ның хобырғаны;
– олғанның тӧрееннеңер пічіктің хобырғаны;
– школадаң пiчiк;
– паланың пабазы паза iҷезi ирепчi полчатханнаңар пічіктің хобырғаны;
– ӱгренҷiнiң опекуны пар полза, аның документiнiң хобырғаны;
– банк реквизиттерi.
Иң кӧп балл чыып алған 70 олған чиңiсчi полыбызар. 1 – 3 орын алып алғаннарға 21 – 25 муң салковай тӧлелер, «Иң артых чоохтазығ» номинацияның чиңiсчiлерiне хоза 10 муң салковай алып аларға оңдай пар.
Iҷе-пабалардаң пiчiктернi Хакасияның национальнай паза территориальнай политика министерствозынзар ызарға пу адресче: 655017, Хакас Республика, Ағбан г., Щетинкиннiң ор., 18 алай ба minnас@r-19.ru электроннай адресче (PDF алай ба JPG форматча). Сурығларнаң 8(3902)239-002 телефонҷа айланарға чарир.
Хакас тiлi марии Хакасия пазы Валентин Коновалов пастаа хоостыра «Хакас тiлiн хайраллиры паза тилiдерi» хазна программазынҷа 2020 чылдаң иртiрiлче.
Сом «Хакас чирі» газетаның редакция архивінең
Автор :
Светлана Астанаева
| Пн | Вт | Ср | Чт | Пт | Сб | Вс |
| 26 | 27 | 28 | 29 | 30 | 31 | 1 |
| 2 | 3 | 4 | 5 | 6 | 7 | 8 |
| 9 | 10 | 11 | 12 | 13 | 14 | 15 |
| 16 | 17 | 18 | 19 | 20 | 21 | 22 |
| 23 | 24 | 25 | 26 | 27 | 28 | 29 |
| 30 | 1 | 2 | 3 | 4 | 5 | 6 |
Кӱн таңмазы
Хакасияда
Россияда
Тилекейде
