Хакас тілi кӱніне хығырчабыс
03.09.2024
Хабарлар
Пӱӱл ӱртӱн айының 3-4 кӱннерінде прайзын библиотеказар хығырчабыс. Ол кӱннерде хакас тілінің кӱнін тапыхтапчабыс нооза. Ӱлӱкӱн хайди иртерін піліп алар ӱчӱн пістің сайтта кӧріп алыңар: https://nbdrx.ru/arh2867.aspx .
Хысхаҷахти чоохтаза, ӱртӱн айының 3-4 кӱннерінде полған на кізi, кемнің кӧңні пар, мындағ марығларда аралас полар:
– «Тӧреен тiлiм – хакас тiлi» республика синiндегi интерактивнай диктантты пазары;
– «Пос чонының кибірлері» – аалҷыларны хайди удурлапчатханынаң танызары;
– «Ӧбекелерінің тілі ус парбазын» онлайн-викторинада кічіг чир-суунаңар тархынны пілчеткенін сыныхтиры;
– «Пістiң Хакасия» ӧмеде чир-суғ ӱгренҷең книга сығарыстарында марығлазары.
Чиңicчiнің ады ӱртӱн айының 4- ҷi кӱнінде 15.00 сағатта искірілер. Аннаңар марығда аралазарға маңзыраңар.
Iдӧк абонемент паза Национальнай паза чир-суғ ӱгренҷең искiрігліг кінде хакас чонның культуразынаң, литературазының паза тілінең, тархынынаң тирең танызып аларға хығырчабыс.
Итсе-де, хакас пічиине чӱс чыл толчатханын пiлчезер бе? Аннаңар Хакас тiлiнің кӱнін таныхтиры ол тустаң палғалыстығ.
Сом «Хакас чирі» газетаның редакция архивінең
Автор :
Эльвира Торокова
| Пн | Вт | Ср | Чт | Пт | Сб | Вс |
| 26 | 27 | 28 | 29 | 30 | 31 | 1 |
| 2 | 3 | 4 | 5 | 6 | 7 | 8 |
| 9 | 10 | 11 | 12 | 13 | 14 | 15 |
| 16 | 17 | 18 | 19 | 20 | 21 | 22 |
| 23 | 24 | 25 | 26 | 27 | 28 | 29 |
| 30 | 1 | 2 | 3 | 4 | 5 | 6 |
Кӱн таңмазы
Хакасияда
Россияда
Тилекейде
