Пiлiс кӱнiнең!
30.08.2024
Хабарлар
Аарлығ нанҷылар! Ӱгретчiлернi, студенттернi, прай ӱгренҷiлернi паза оларның iҷе-пабаларын пу чалахай ӱлӱкӱннең – Пiлiс кӱнiнең – алғыстапчам!
Россия Федерациязы президентi Владимир Путин олғаннарға ӱгредiг организацияларында наа оңдайлар тимнирге пӧгiн турғысхан. Анда палаларыбысха ӱгренерге истiг паза хынығ поларға кирек. Iди пӱӱл пiстiң округтың регионнарында алты муң азыра олған наа школаа парар, хайзыларында амғы тустағы техника турғызылған. Ол лабораториялар, ӱгредiг оборудованиезi паза даа пасхазы. Аннаң пасха, школаларда профильлiг класстар тӧстелче. Олар олғаннарға таңдағы профессияны таллап аларға полысчалар
Пу кӱннiң ӧӧн матырлары – ол пастағы класстағы олғаннар. Сибирьде пӱӱл 220 муң азыра пала пастағы классха парча. Олар улуғ чуртассар пастағы кiчiг хаалағлар идiп пастапчалар. Школада олар наа нанҷылар табарлар, наукада, искусствода паза спортта постарын тiлирлер. Пу ниик нимес чорыхта оларға iҷе-пабалары, ӱгретчiлерi полызарлар.
Нандырығлығ тус читтi улуғ класстардағы ӱгренҷiлерге паза студенттерге. Оларның холында хазнаның таңдағызы. Ада чир-суубыс ӱчӱн ӧткiн тудынғаны, чиңмелiг полғаны, тiспен iстенiс – оларны пӧзiк чидiглерге ағылар.
Олғаннарға тирең пiлiс пирерi, таңдағы профессия таллирға полызары, турыстығ кiзi чiли ӧскiрерi – ол улуғ тоғыс, хайзы ӱгретчiлернiң иңнiлерiне артылча. Ӱгретчiдең алған пiлiстер пiске чуртаста чахсы кӧстег полчалар.
Олғаннарға паза ӱгретчiлерге хынығ паза тузалығ ӱгредiг чылын алғапчам. Постарыңа кӧп наа нимелер азыңар паза пӧзiк чидiглерге чидiңер!
Анатолий Серышев,
Россия Федерациязы президентiнiң Сибирьдегi федеральнай округтағы полномочнай кiзiзi
Сом sfo.gov.ru сайттаң
Автор :
| Пн | Вт | Ср | Чт | Пт | Сб | Вс |
| 1 | 2 | 3 | 4 | 5 | 6 | 7 |
| 8 | 9 | 10 | 11 | 12 | 13 | 14 |
| 15 | 16 | 17 | 18 | 19 | 20 | 21 |
| 22 | 23 | 24 | 25 | 26 | 27 | 28 |
| 29 | 30 | 31 | 1 | 2 | 3 | 4 |
Кӱн таңмазы
Хакасияда
Россияда
Тилекейде
