Пістіңнер чиңісчілер санында
07.08.2024
Хабарлар
«Зарница 2.0» чаа-патриот ойынның араласчылары
Марығ. Пу кӱннерде Иркутск городтың «Патриот» кінінде «Зарница 2.0» тиксі Россиядағы чаа-патриот ойынның Сибирьдегі федеральнай округтағы чардығы ирт парды
Марығда Сибирьнің прай регионнарының 200 азыра олғаны араласхан. Тиксі 19 ӧме. Марығлар 11 – 13 паза 14 – 17 частығлар аразында ирткеннер. Анда олар инженер-сапер кирее, учух чӧрчеткен пилот чох аппарат, тапография, спорт ориентированиезі паза корректировказы, имнег кирее паза даа пасха кӧстеглерҷе кӱстерін паза пілістерін кӧзіткеннер.
«Зарница 2.0» чаа-патриот ойында ортын частығларның аразында «Тяжинские Барсы» ӧме (Кемеров облазы) чиңіс тутхан, улуғ частығларның аразында «ВПК Гвардия» отряд (Новосибирск облазы) артых полыбысхан. Хакасияның Орджоникидзе аймаандағы «Патриот» ӧмезі ортын частығларның аразында 2-ҷі орында пол парған.
Амды сыйыхтығ орыннарға турысхан ӧмелер марығның халғанҷы чардығында кӱстерін кӧзідерлер. Ол пӱӱл ӱртӱн айында Волгоград городта иртер.
«Зарница 2.0» чаа-патриот ойынның ӧӧн тӧстегҷізі Иркутск облазының чииттер политиказынҷа министерствозы, «Движение первых» олғаннарның паза чииттернің тиксі Россия чӧрімінің региондағы пӧлии паза Иркутск облазының ӱгредіг министерствозы полчалар. Ол «Ӱгредіг» национальнай проекттің «Патриотическое воспитание» региондағы проекті хоостыра иртірілген.
Сом Анастасия Морозовани
Автор :
Тимнеен Оксана Котюбеева
| Пн | Вт | Ср | Чт | Пт | Сб | Вс |
| 24 | 25 | 26 | 27 | 28 | 1 | 2 |
| 3 | 4 | 5 | 6 | 7 | 8 | 9 |
| 10 | 11 | 12 | 13 | 14 | 15 | 16 |
| 17 | 18 | 19 | 20 | 21 | 22 | 23 |
| 24 | 25 | 26 | 27 | 28 | 29 | 30 |
| 31 | 1 | 2 | 3 | 4 | 5 | 6 |
Кӱн таңмазы
Хакасияда
Россияда
Тилекейде
