Табығ бюллетеньінде 6 кандидатура турар
07.08.2024
Хабарлар
Табығлар-2024. Хакас Республиканың Табығ комиссиязы Россияның Хазна Думазының депутадына 35№ пір мандаттығ табығ округынҷа хоза табығларда араласчатхан прай кандидаттарны санға алыбысхан
Хакасияның Табығ комиссиязы орғах айының 2-ҷі кӱнінде пос позын сығарған кандидат Николай Шульгиновты санға алған. Кандидатха пасха пічіктернең хада 12 муңа чағын табығҷының ағаа хабасчатханынаңар хол салғанын пирерге киліскен.
Андағ оңдайнаң, Хазна Думазының депутадына табығларда табығ бюллетеньінзер 6 кандидатура кирілер:
Михаил Юрьевич Гайдай – «Зелёная Альтернатива»;
Сергей Михайлович Измайлов – «Гражданская Платформа»;
Антон Юрьевич Палюлин – «Партия прямой демократии»;
Георгий Александрович Слывус – «Российская экологическая партия «Зелёные»;
Владимир Леонидович Смышляев – «Справедливая Россия – Патриоты – За правду»;
Николай Григорьевич Шульгинов – пос позын сығарған.
Пу чағында кандидаттарға табығлар алнындағы агитация иртіреріне республика телерадиокомпанияларының каналларында эфир тузын, ідӧк республика газеталарында печать орнын ӱлестірерінҷе жеребьевка иртірілер.
Хабар таратчаң средстволарда агитация тузы орғах айының 10-ҷы кӱнінең сығара пасталча паза ӱртӱн айының 6-ҷы кӱнінде 00.00 часта тоозылча.
Автор :
Хакасияның Табығ комиссиязының хабарлар пӧлии
| Пн | Вт | Ср | Чт | Пт | Сб | Вс |
| 26 | 27 | 28 | 29 | 30 | 31 | 1 |
| 2 | 3 | 4 | 5 | 6 | 7 | 8 |
| 9 | 10 | 11 | 12 | 13 | 14 | 15 |
| 16 | 17 | 18 | 19 | 20 | 21 | 22 |
| 23 | 24 | 25 | 26 | 27 | 28 | 29 |
| 30 | 1 | 2 | 3 | 4 | 5 | 6 |
Кӱн таңмазы
Хакасияда
Россияда
Тилекейде
