Федеральнай кіннің хайии аарлығ
31.07.2024
Хабарлар

Ярослав Нилов (сол саринаң)
Тоғазығ. Хакасия пазы Хазна Думазының істенісче, социальнай политикаҷа паза ветераннар киректерінҷе комитеді депутаттарынаң тоғасхан
Ирткен пятницада, 26 отта, Хакасиязар Россияның Хазна Думазының істенісче, социальнай политикаҷа паза ветераннар киректерінҷе комитеді депутаттарынаң пӱтчеткен делегация килген.
Пу чорых хоостыра комитет араласчылары социальнай учреждениелерде пол килгеннер, улуғ тӧлге хабазар сурығҷа тегілек стол иртірібіскеннер, пасха регионнарның опыдынаң ӱлескеннер. Чорых салтарынҷа олар республиканың социальнай сферазын тилідерінҷе чӧптерін пирерлер паза регионның федеральнай законодательствоны алыстырарынҷа пастағларын ӱзӱрібізерлер.
Комитет аймах-пасха регионнарҷа чорыхнаң чӧрче. Кӧзідімге, депутаттар Ставрополь крайында, Кабардино-Балкарияда, Калининград паза Кемеров областьтарында пол килгеннер.
Хакасия пазы Валентин Коновалов республиканың аалҷыларына чолабит читірген:
– Регионға федеральнай кіннің хайии аарлығ. Ол чӧптерні, хайзын сірер піcке пирерзер, піс тоғысха аларбыс.
Республика пазы істенісче, социальнай политикаҷа паза ветераннар киректерінҷе комитеттің кнезі Ярослав Ниловнаң алынҷа тоғасхан.
– Піcке прайзына, хайдағ партияа кірчеткенібіске хайбин, хазнабыс тилирге кирек полчатханы пілдістіг. Пар национальнай кӧстеглер, хайзыларынаңар Россия президенті Федеральнай Чыылығзар айланызында искірген. Ол чуртас узағын ӧскірері, чуртағҷыларның чуртас синін паза пала тӧріпчеткенін кӧдірері, – чоохтанған депутат. – Піс иртірчеткен тоғазығлар, опытнаң ӱлескені хазнаның социальнай политиказын тилітчең хоза тоғыстарны кирерге оңдай пирче.
Хакасия пазы пос саринаң таныхтаан: республика правительствозының ӧӧн кӧстеглерінің пірсі – кізінің чахсы чуртазы. Полған на чуртағҷы таңдағы чуртазын паза палаларының таңдағызын пістің республиканаң палғалыстырарына килістіре оңдайлар тӧстирге кирек.
Хакасияның бюджеді 70%-ке социальнай кӧстегліг: кӧп палалығ сӧбірелерге, имнег тоғынҷыларына паза ӱгретчілерге, улуғ частығларға, чуртағҷыларның пасха даа категорияларына хабасчатхан 60 азыра программа тоғынча.
Тоғазығны тоозып, Валентин Коновалов комитет араласчыларына Хакасияа хайығ салчатханы, республиканың пастағларына федеральнай синде хабасчатханы ӱчӱн алғызын читірген, оларға тӱзімніг тоғыс алғаан.
Сом r-19.ru сайттаң
Автор :
Хакасия пазының паза Хакасия правительствозының пресс-службазы
Пн | Вт | Ср | Чт | Пт | Сб | Вс |
27 | 28 | 29 | 30 | 31 | 1 | 2 |
3 | 4 | 5 | 6 | 7 | 8 | 9 |
10 | 11 | 12 | 13 | 14 | 15 | 16 |
17 | 18 | 19 | 20 | 21 | 22 | 23 |
24 | 25 | 26 | 27 | 28 | 1 | 2 |
Кӱн таңмазы
Хакасияда
Россияда
Тилекейде