Хорғыс чох иділче
12.07.2024
Хабарлар
Пӱӱн Хакасия пазының орынҷызы Юрий Курлаев сағыбаан саайҷа комиссияның табырах чыылиин иртірді.
Сылтағ – Ағбан городтың ӱстӱнзархы чардығында Ағбан суғ кӧдірілген сылтаанда сидіксіністер сығысханы.
От айының 11-ҷі кӱнінде Ағбан суғ чарны чуупчатханнаңар искіріг кірген, анда, тізең, городха суғ алылча. Ведомстволар аразындағы комиссия ол орынны істескен соонаң суғ, ағынын алыстырып, амды водозабор орныхчатхан чарны чуупчатханын ілезіне сығарған.
Аның ӱчӱн 6 № паза 7 № водозаборның туйухталых скважиназы иңзерілеріне хорғыс пар. Анзы, тізең, суғ алыларын тохтадарға айабас паза Ағбан городтың чуртағҷыларына, ТЭЦ-ха суғ читірілері тохтадыларына хорғыс пар.
Андағох хорғысты чағынғы 4 № водозаборны сағыпча. Ол «РЖД» ОАО-ның Хызылчардағы тимір чолларының холында.
Чар чуунылчатханын тохтадар паза хорғысты чох идер ӱчӱн сағыбаан саай орнынзар арачылағ тоғыстарын толдырарға ӧнетін техника ызылған: 6 таарлағ техниказы, 1 бульдозер, 1 экскаватор паза пасха ӧнетін техника. Хайа ағылып, чар тыыдарынҷа тоғыстар толдырылча.
Автор :
Тимнеен Наталья Сюптерекова
| Пн | Вт | Ср | Чт | Пт | Сб | Вс |
| 27 | 28 | 29 | 30 | 1 | 2 | 3 |
| 4 | 5 | 6 | 7 | 8 | 9 | 10 |
| 11 | 12 | 13 | 14 | 15 | 16 | 17 |
| 18 | 19 | 20 | 21 | 22 | 23 | 24 |
| 25 | 26 | 27 | 28 | 29 | 30 | 31 |
Кӱн таңмазы
Хакасияда
Россияда
Тилекейде
