Аалҷылар Тун пайрамны пӧзiк паалааннар
21.06.2024
Хабарлар
Сӧбiре чылына чарыдылған ӱлӱкӱн «Тун пайрам. Сӧбiре кибiрлерi» тiп адалған. Пӱӱл анда 40 муң азыра кiзi пол парыбысхан. Хакасия чуртағҷыларынаң пасха, анда iдӧк пасха хазна чуртағҷылары полғаннар. Аалҷыларның аразында Хызылчардағы Монголияның генеральнай консулы Ганболд Чимид, Хызылчардағы Беларусь Республика посольствозының пӧлiк устағҷызы Игорь Бука, Хызылчардағы Хырғыс Республика посольствозының пӧлiк устағҷызы Азамат Кабаев полғаннар. Аннаң пасха, ӱлӱкӱнде Белоруссияның, Казахстанның, Хыдаттың паза Россияның cубъекттерiнiң ученайлары араласханнар. Аның алнында олар «Сойан-Алтайдағы паза хости чирлердегi чоннар паза культуралар» чоннар аразындағы наука конференциязында араласханнар, хайзы ХакНИИЯЛИ-ның 80 чылына чарыдылған.
Аалҷылар «Тилекейнiң тадии - айранның тадии» театр ойынын, чатханнаң ойнаанын, концерттер, спорт марығларын кӧрiп алғаннар паза хакас чонның ас-тамаан амзап кӧргеннер.
Олар Хакасия чуртағҷыларын пайрамнаң алғыстааннар паза пiстiң хазналарны пiр тархын, пос чонына улуғлас, аарлас пiрiктiрче тiп искiргеннер. Пасха хазналарның кiзiлерi Россиядағы ученайларнаң, ол санда Хакасиянаң, аннаң андар палғалыс тударын искiргеннер.
– Пiстiң хазна хаҷанох Хакасиянаң палғалыс тутча, че халғанҷы чылларда пу палғалыс наа синге сыххан. Нимені анзы таныхтапча? 2022-2023 чылларда кӧп тоғыс идiлгенiн. Ол ӧӧнiнде товарларнаң садысханынаң палғалыстығ, – чооғында искiрген Хызылчардағы Беларусь Республика посольствозының пӧлiк устағҷызы Игорь Бука.
Сом r-19.ru сайттаң
Автор :
Тимнеен Оксана Котюбеева
| Пн | Вт | Ср | Чт | Пт | Сб | Вс |
| 31 | 1 | 2 | 3 | 4 | 5 | 6 |
| 7 | 8 | 9 | 10 | 11 | 12 | 13 |
| 14 | 15 | 16 | 17 | 18 | 19 | 20 |
| 21 | 22 | 23 | 24 | 25 | 26 | 27 |
| 28 | 29 | 30 | 1 | 2 | 3 | 4 |
Кӱн таңмазы
Хакасияда
Россияда
Тилекейде
