Хакасия пазы Валентин Коновалов Москвада Хыдаттың Россиядағы ӧӧн паза полномочиеліг илҷізі Чжан Ханьхуэйнең тоғасты. ⠀

– Хыдат Чон Республиказы — Хакасияның ӧӧн садығ партнёры. Ирткен чыл салтарларынҷа республиканың тастындағы садығ айланызында Хыдаттың ӱлӱзі — 25 процент азыра, – таныхтапча искіриинде Валентин Коновалов. – Хыдатнаң хада-пірге піс тоғызыбысты алғыдарға пӧгінчебіс, инвестиция проекттерін чуртасха кирерге сағынчабыс. Ідӧк Хакасия КНР-зар орында сығарылчатхан ниме-нооны читірерге тимде.

Піс Хыдатнаң хада культура паза наука кӧстеглерінҷе палғалысчабыс. Іди пӱӱл кічіг хырлас айында пістің республиканың чайаачы ӧмелері Хыдатта кӧзідігнең сығарлар. Хандых айында, тізең, Ағбанда наука конференциязы иртер, анда Пекиннің ученайлары киліп аралазарлары кӧрілче.

Валентин Коновалов господин Чжан Ханьхуэйні пӱӱл республиказар официальнай чорыхнаң кил парарға хығырған.