Хаҷан чӱрек тибірепче
19.04.2024
Хабарлар
И-эх, абахайлар, тігі чарға кем пурун чидіп алар
Чир-чайаанда. Часхыда чирібіссер ағын хустар айлан сыхчалар. Оларның мында уйа салынар тузы чидібісті
Чалахай часхы кӱннері турыбысханда, ибіркі чир-чайаан усхунча, ӧңненче, харах одын ойнатча, ӧрініс сыйлапча. Аймах хустарның кӧгліг тапсасчатханы чӱрек тибіретче, кізі кӧңнін кӧдірче, чолға сығарға хығырча.
Ырахтын айланғанда, ноға сохтанмаҷаң
Ырах чирдең айланғанда, ипти чоохтазып аларға кирек...
Хайдағ сіліг орында тынанчабыс
Чыл даа сай Асхыс аймаандағы Хааң кӧл чарлары ағыннаң айланчатхан таңнастығ сіліг хустарға тынанып алҷаң орын полыбысча. Тӧреен-ӧскен чирлерінзер айланып, ағын хустар кічіг палалар чіли тудынчалар, ойназып, сохтаныс сыхчалар. Оларның паарсазар, уйа салынар тус чидібісті нооза. Андада хайди кӧӧленіс кӧӧ чох сым на пастыр чӧрерзің. Аннаңар даа, сағыбаан оңдайнаң тудынып, хайхастығ теелбектер толдыр сыхчалар.
Пір хати Хааң кӧл хыринҷа иртчеткенде, аппағас кӧрімніг хуулар, сӱрізіп-ойназып, чар хазында пасхаҷыл теелбек толдырчатханнарына хайхап, машина тохтадып, ӧкерсін сыххабыс. Мына хайди кӧӧленіс кӧӧ хайнапча. Оларзар кӧрчеткен туста, чорыхха хада парчатхан абахайларның пірсі, часхы таныҷах тынызы хоостыра кірлектен чӧріп, ачых-чарых кӧңніліг тахпахты сарнабысхан: «Хайнап-хайнап аларға, хайнабаан осхас поларға; сегіріп-сегіріп аларға, сегірбеен осхас поларға!»
– Ағын хустар теелбектенчеткенде, мин дее хайди полим? Тыстанмадым! – чӱреен пазын полбинча чорыхчыбыс.
Сомнар Дмитрий Сунчугашевти
Автор :
Анатолий Султреков
| Пн | Вт | Ср | Чт | Пт | Сб | Вс |
| 26 | 27 | 28 | 29 | 30 | 31 | 1 |
| 2 | 3 | 4 | 5 | 6 | 7 | 8 |
| 9 | 10 | 11 | 12 | 13 | 14 | 15 |
| 16 | 17 | 18 | 19 | 20 | 21 | 22 |
| 23 | 24 | 25 | 26 | 27 | 28 | 29 |
| 30 | 1 | 2 | 3 | 4 | 5 | 6 |
Кӱн таңмазы
Хакасияда
Россияда
Тилекейде
