Владимир Штыгашев – Хакасияның хазна чӧпчізі
17.04.2024
Хабарлар
Владимир Штыгашев наа должностьта істенер
Ӱлгӱ. Хакасия пазы Валентин Коновалов Владимир Штыгашевті республиканың хазна чӧпчізі должнозына турғызардаңар чарадығда хол салған
Владимир Николаевичтің тоғызы регионның политика, чуртас-экономика паза культура тилізіне кӧстегліг полар.
Республиканың Ӧӧркі Чӧп депутаттары Хакасияның хазна чӧпчізінеңер законны пу чылның кӧрік айында, ӱзӱрібізіп, алыбысханнар.
Валентин Коновалов Владимир Николаевичтің чуртазы паза тоғызы килкім эпоха полчатханын таныхтаан.
Ол Хакасияны Россияның пос алынҷа субъектіне айландырарында араласхан, 30 чыл азыра регионның Ӧӧркі Чӧбінең устаан, республиканың парламентизм системазын тӧстееннернің пірсі полған.
– Владимир Николаевич – постың кічіг чир-сууның сын оолғы чіли – халыхтар ӱлгӱзінің прай синнерінде Хакасия чуртағҷыларының кирексіністері ӱчӱн турысхан, хазна пӧгіннерін пӧгерінде прай кӱзін салып істенген, хаҷан даа сын ӱчӱн кӱрескен. Аның республикаа туза ағылар ах сағыстығ істенізі улуғ аарласха паза улуғласха турыстығ, Ада чир-суубысха сын хыныстың кӧзідімі полча, – таныхтаан регион устағҷызы.
Республика пазы Владимир Николаевичтің пай опыды, аның политикадағы пик сындыры, хыйғазы паза кӧстеге хайди даа чидер хылии Хакасияны тилідеріне ам даа полызар тіп ізенізін читірген.
Сом r-19.ru сайттаң
Автор :
Хакасия пазының паза Хакасия правительствозының пресс-службазы
| Пн | Вт | Ср | Чт | Пт | Сб | Вс |
| 30 | 31 | 1 | 2 | 3 | 4 | 5 |
| 6 | 7 | 8 | 9 | 10 | 11 | 12 |
| 13 | 14 | 15 | 16 | 17 | 18 | 19 |
| 20 | 21 | 22 | 23 | 24 | 25 | 26 |
| 27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде
