Чиңіс диктанты
12.04.2024
Хабарлар
Чӧрім. Хакасия Илбек Ада чааға чарыдылған «Чиңіс диктанты» чоннар аразындағы тархын диктантына хозылар
Ол хосхар айының 26-ҷы кӱнінде 16.00 часта республиканың прай город-аймахтарында иртер. Ол кӱнде Хакасияда 120 ачых тоғынар. Анда регионның чуртағҷылары паза аалҷылары тархынҷа пілістерін сыныхтирлар. Ідӧк ікі хайхастығ ачых полар: национальнай архивте араласчылар Илбек Ада чаа тузындағы пічіктернең танызып аларлар; креатив индустрия школазында 9 майға открыткалар идерлер. Россия почтазынаң хада «Матырға пічік» чӧрім иртірерлер. Анда СВО чааҷыларына пічік пазарлар.
Алынҷа таныхтирға кирек, кӧрік айынаң Л.Р.Кызласовтың адынаң Хакас национальнай чир-суғ ӱгренҷең музейде азых лекторийлер иртче. Анда «Чиңіс диктантына» тимненіс парча. Чағынғы лекция хосхар айының 16-ҷы кӱнінде 14.00 часта пу адресче иртер: Ағбан г., Пушкиннің ор., 28А.
Автор :
Аскар Артамонов
Кӱн таңмазы
Хакасияда
Россияда
Тилекейде
