Чоохтаспин, трубканы сал!
10.04.2024
Хабарлар
Телефон кӱҷӱрлерінең кӱрезерінҷе паза пос ахчазын хайраллирынҷа пу иң ізестіг оңдай.
Сығдырадып, Россияның Ӧӧн банкының, финанстар министерствозының алай право хайраллаҷаң органнарның тоғынҷызы тіп аданчатсалар, ікінҷілес чох, ол кӱҷӱрлер.
Телефоннаң чоохтасчатса, таныс нимес кізілерге искірбеңер:
- банк приложениелерінің логиннерін паза парольларын;
- банк карталарының номерлерін паза пин-кодтарны;
- СМС-тағы кодты паза пасха искіріглерні.
Чабал сағыстығларнаң нинҷе ӱр чоохтазығ парча, ол синге ахча чох халарлары ӧсче.
«Ирткен чылда Россияның сала полған на чуртағҷызы нимес ахча кӱҷӱрлеріне тоғасхан, андағ салтарларны сурастырығлар пирче. Олох туста телефон кӱҷӱрлерінің иң тарап парған оңдайы – банк, ведомство паза право хайраллаҷаң органның тоғынҷызы аданып, алаахтырып алары. Аннаңар Россияның Ӧӧн банкы, финанстар министерствозы паза эксперттер ӧмезі кӱҷӱрлерге хайди тоғырланарынаңар, ахча чох халарынҷа хорғыстарны хызырарынаңар, ахча сурығларынҷа орта чарадығ алар ӱчӱн хайди тудынарынаңар удаадаң удаа искірче», — таныхтаан Россияның финанстар министрінің орынҷызы Павел Кадочников.
Россияның Ӧӧн банкы паза финанстар министерствозы «Национальные приоритеты» АНО-наң хада пу роликті тимнеп салған.
Автор :
| Пн | Вт | Ср | Чт | Пт | Сб | Вс |
| 30 | 31 | 1 | 2 | 3 | 4 | 5 |
| 6 | 7 | 8 | 9 | 10 | 11 | 12 |
| 13 | 14 | 15 | 16 | 17 | 18 | 19 |
| 20 | 21 | 22 | 23 | 24 | 25 | 26 |
| 27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде
