Киректі оңдайлирына прай кӱс салылча
05.04.2024
Хабарлар
Тоғазығ. Хакасия правительствозы регионның хара тас аныпчатхан предприятиелеріне хабазар пӧгіннең Россия правительствозынзар теестегі айланыс тимнепче
Хара тас аныпчатхан отрасльдағы киректі оңдайлирына Россия правительствозы адына теестегі айланыс тимнелчеткенінеңер республика пазы Валентин Коновалов регионның хара тас компанияларының устағ-пастаанаң тоғасханда искірген. Ол тоғазығ хара тас аныпчатхан предприятиелеріне хабазарынҷа мыннаң мындархы пірге тоғыс апарҷаң сурыға чарыдылған. Хакасия правительствозы тимнеен пастағларға хоза хара тас аныпчатханнарның чӧптерін кирері ӱзӱрілген.
– Хара тас аныҷаң отрасль – пістің регион экономиказының ӧӧн отрасльларының пірсі. Аннаң республикадағы алынҷа аал-городтарның чуртазы паза тилізі, тоғысчы орыннары, бюджетсер налогтар кірері палғалыстығ, – таныхтаан республика пазы.
Кидеркі санкциялар сылтаанда ӱзінҷі чылы «хара алтынны» аныпчатхан регионнарда, ол санда Хакасияда, аны хара тас предприятиелеріне тӱзімніг тоғынарына кирек синде экспортха ызарынҷа сидіксініс турча.
Валентин Коновалов республика правительствозы пу сурығҷа федеральнай ӱлгӱ органнарынаң паза «РЖД» компаниянаң тохтабин тӧреміл тоғынчатханын таныхтаан. Отрасльдағы киректі оңдайлирына прай кӱс салылча.
Хакасия правительствозы февральда паза мартта Россия президентінің СФО-дағы полномочиеліг кізізі Анатолий Серышевтің, ідӧк Россия правительствозы кнезінің пастағы орынҷызы Андрей Белоусовтың паза вице-премьер Виктория Абрамченконың адына экспорт пошлиназын хати чох идердеңер, тӧбін оңдайнаң тӧлир коэффициенттерні айландырардаңар, порттарда таарлиры ӱчӱн пааны тӱзірердеңер айланыстарны ысхан. Москвада Хакасияның сағыс-кӧрізіне хабасчалар, че чарадығлар сағам алылғалах.
Хара тасчыларның пу тоғызығда искірілген чӧптері иптеліп республика правительствозының теестегі айланызынзар киріл парарлар.
Автор :
Хакасия пазының паза Хакасия правительствозының пресс-службазы
| Пн | Вт | Ср | Чт | Пт | Сб | Вс |
| 30 | 31 | 1 | 2 | 3 | 4 | 5 |
| 6 | 7 | 8 | 9 | 10 | 11 | 12 |
| 13 | 14 | 15 | 16 | 17 | 18 | 19 |
| 20 | 21 | 22 | 23 | 24 | 25 | 26 |
| 27 | 28 | 29 | 30 | 31 | 1 | 2 |
Кӱн таңмазы
Хакасияда
Россияда
Тилекейде
